اكتوبريات في حب مصر

[السهم المصري]

تملي سيدة الشولى تقول

كلام جميل



من حبها في المحروسة

واحترامها والتبجيل



لا عندها فرق بين مسلم

ولا حامل الإنجيل



كلنا على أرضها إيد واحدة

جيل من بعد جيل

[السهم المصري]

مها ضرار بنت مصرية كلها اصرار


حفيدة الفراعنة والضباط لاحرار


رافعة راية بلدها ونيتها ف العمار


تسلمي ياللي سمارك م النيل وشمس النهار

[السهم المصري]

أشرب كاس عزها ولو الحنضل دايب فيه


وأسيب كاس الشهد لو بالزل وبعيد أرميه


الغالية عالية وعشانها طريق الشوك أمشيه


لو غاب المجد عنها لحظة بعمري أراضيه

[السهم المصري]

روحنا ولا جينا شايلينها بعنينا


ويوم تنادي وتقول ولادي تلاقينا


عليها نجري يا كل مصري نمدلها ادينا


حافظين عهودها طالبين شموخها وباسمها غنينا

[السهم المصري]

رميت همومي ونسيت دموعي

ف حضنها


سرحت ساعة ونمت ساعة

ف حجرها


قالوا لي قوم شيل عنها الهموم

واحمي عرضها


قمت بحماس ومعايا فاس أقلع

جدور عدوها

[السهم المصري]

ما هو أنا ابنها بنيت عرشها

على صفحة النيل


عبرت اليأس وكسرت النحس

وهزمت المستحيل


بدأت العمل وزرعت الأمل

بددت ليلها الطويل



مليتها أماني حب وأغاني قلت فيها

أجمل مواويل