إشراقات يوم جديد ( مساحة للخبرمفتوحه للجميع )

[الامير الشهابي]

إشراقات في مواسم الخير دوما
إنها كهطل المطر
تزينها حروفكم وحضوركم
وتسجل إشراقات تحيتها للأخت بصيره حضورها المميز وقرآءتها في العمق
إشراقات صفحة تتميز بنقل الخبر والصوره وتنقل بعض ما نعاني بدون مكياج
وكما هو ..لك التقدير أختي الفاضله إنتظروا مفاجئة مدويه ..الرب يستر من مفاجأآت
إشراقات ..
كل الود والتقدير

[الامير الشهابي]

وابوح بكل ما شاهدت بس بدوووووووووووووووون زعل ورح يكون الاغلب حاضر
وينك يابو ألاسرار مستخبي ..
العضو نسمات الخريف يبدو أنه سيتحفنا بما يجود به قلمه ..بس مافيه زعل ياإخوان ..حتى لو كان الكاميرا يلي هيا ..نحنا هون إخوان وبس
إشراقات مساحة للجميع وهذا ماكنا قد نوهنا إليه في بداية المشوار (وإبتدى إبتدى المشوار ...آه ياخوفي من آخر المشوار ياخوفي ) تسلم ياحليم
طلب مراسلين لأشراقات
تعلن إشراقات عن طلب مراسلين لصفحتها ويسرها أن تدعو أصحاب المواهب في المنتدى ليساهموا بتحرير الخبر والصوره
لنعمل بروح الفريق الواحد ..يد واحده لاتصفق
أختي نسمات دعي نسماتك فيها روح تشرين يلي ناطرين فيه الشتي ( حبيتك بالصيف ..حبيتك بالشتي ) ولاعليك مافي زعل حرية الرأي مصانه
فهنا صفحة الرقي بالنفس والترويح عنها
لك محبتنا

[الامير الشهابي]

وتستمر إشراقات ..مشرقة بالضياء والوفاء
خبر عاجل يسربه مقرب من مراسلي إشراقات
عودة قريبه للعضوه لؤلؤه ثمينه بعد إجازة خاصه ..العضوه لؤلؤه تقدم لأعضاء المنتدى
باقة ورد ممزوجة بمشاعر الشوق والمحبه للمنتدى ..
نرحب بك لؤلؤه مكانك في قلوب الجميع ياصاحبة القلم النابض .
العضو أبو الفداء يقول للعضو الأمير .. كبستك ..شوبيك ماتعرف المذكر من المؤنث
سامحنا أبو الفداء نشكر لك التنويه الأديب وقمنا بتعديل إسم النداء للعضوه نسمات الخريف وليك سيخ شاورما
كامل بس مو في الربيع ..في الخريف وشرط تشاركك العضوه نسمات ..ماتكون بطيني تروح فيها هيدا سيخ
مو ساندويشه ..
خبر عاجل بطير العقل ..يامثبت العقل والدين
العضو (قناص) زوج السيد المديره يقتنص خبر ولا هو ..ياخبر ..أنا بمزح معك
طلعت الشغله مو مزحه ياخينا ..
شو خبرنا شوقتنا خلي عقلنا يطير أريح ..
مين قلك انو مو طاير ..بس المهم نفهم عالطاير
الرقم سته ..والموضوع ستات ..آه منك ياقناص شو جبت ..خلصنا
ياعمي مو 6 عاديه..ست ..وستة غير عاديين ..طبعك عنيد إنت إنسان غير عادي
اوووووووووووووووووف ..نجيب المندل أحسن ..لا.. كلو ولا المندل وبالست يتكعبل
(أروح لمين وأقول يامين ينصفني منك ) خلص لاتدعوا علينا.. حاضرين ..( تؤمرعالراس وعالعين )
شوف خبر ب 6 ملا يين دو لار (إجمعها شو بطلع معك ) ياأمير
واو واو شو مساعده للاجئين الفلسطينين والسوريين
الكامير يلي هيا هنا في وسط الميدان
كنا حذرناكم من الكاميرا يلي هيا ..
ياقناص وقعت في الكاميرا يلي هيا وبرنامج
من سيربح 6 مليون ويكون أول مشاهد لفلم (بوس الواوا)
بدنا جواب قرداحي مين بطلة الفلم .. ولا بدك مساعده
قناص والله صعبه شوي نحنا تخصص تركي هالأيام ..
بدي مساعدة صديق
تفضل ..مين بدك نتصل فيه من الأصدقاء
في صاحبي الأمير ..يلا نفتح الخط على الأمير
ترن ترن ترن ..
الأمير ..هالو من معي ياخيي
..فنيطح هالو بيروت من فضلك حبيب قلبي
.معك ياخيي من إشراقات فنيطح مرداحي
من برنامج ستة في ستات
أيوه ..نعم مين مات ..الرب يرحمو ..عظم الله أجركم
ياخوي ياأمير.شو القصه معك..نحنا برنامج ستة في ستات ..لاحدن ولد ولا حدن مات
الأمير.. شو لكان القصه ماعندي وقت مني فاضي مشغول بالمنتدى ..خلصني
صديقك قناص بدو مساعدتك في هالسؤال ومعك خيارت ثلاثه
الأمير.. هلا قناص بالله خلينا نحكي معاه ..خلني أسأله لساه بطلع على القنيص
وكيف أم العيال وجده وجدته بالله تسألو لسا الغنمات عندو .
يا أمير خلينا بالموضوع شو بدك تعمل زياره على حسابنا
الأمير جاي تحاسبني علا كلمتين يافنيطح..مهو قناص بقنص ماشاالله حجل وفري بسيارة الحكومه
قناص ..شو هالحكي يا أمير وأنت مو بتحب صيد العصافير بسياره هيئه دبلوماسيه
فنيطح ..بس ياجماعه خلص النتيجه واحد / واحد
الأمير.. طيب مادام المباراه إنتهت بالتعادل السلبي ..نتظر مباراة الأعاده
شو السؤال يافنيطح ..
فنيطح شو العلاقه بين الرقم ستة والستات يا أمير
الأمير تذكرت جبت سيرة خيار ..شو خيارات ..شو دخل الخيار والفقوس والبطيخ عالموس
يا أمير شو قصتك الليله شو شارب ..عصير تبوله
عيب يافنيطح أنا مابشرب عصير بنوب ..بس التبوله بموت فيها.. خوذ صحن وأعطيني الجواب
بلا من التعب .
خلينا في الموضوع يا أمير خيارات يعني بعطيك 3 أجوبه تختار واحد
قول يافنيطح من ألاول هيك
خلصنا ياأمير الوقت يداهمنا .
يالطيف تلطف ماخذنا شى لاسته ولاست ليش المداهمات
ياأمير يبدو أنو الوقت إنتهى
لحظه يافنيطح عرفت ..عرفت ..
يلا خلص بسرعه ..معك ثانيتين
لقيتها ..لقيتها
علا فيسو ..وخلي لي عينك على ميشو شو
سته ملايين من الشيخ غلبان ياحرام
والست هيفاء الغرام مجبور خاطرها بس بستة ملايين ..
سكوت حنصور
جواب مقردح مفنطح يا أمير وهديتك فوريه ( صوره لأم الطلعه البهيه)

زوج السيد المديره ..يقول أن الكاميرا يلي هيا مصيبه
ويطلب غنية بوس الواوا
شو ليش مستخبي مستحي ..كلها غنيه وغيرك دفع 6 ملايين للي هيي
ه ي ف ا ء
و ه ب ي
مبروك علينا ياشيخ ياصانع الأمجاد العيد عليكن قريب ينعاد
وأنت في الخيمه ( بين ........... عيب عيب شو الحكي )
نلتقي معكم في الكاميرا يلي هيا
إشراقات تزهو بكم
وفي خبر عاجل انه تم تخصص مبلغ 2 مليون بس علشان الواو
والبوس 4 ملايين
مين مين بيغسل هدمتك
مين مين يدوب بنظرتك
نقفل المشهد

[بصيرة الأعمى]

ههه
يا عمي هاااااد اشراقات بتشرق بالليل كمان
لو كنت بعرف كنت حضرت بوشاااااار لتحلى القعدة
قوية قوية قوييييية جدا اشراقاتك يا أمير
ولن أقول متابعة
اصباعي معلق ع المتصفح أصلا
مع التحية
بصيرة

[أرب جمـال]

متابعة اميرنا
اشكر كل من يساهم بننقل الخبر خاصة مراسلي اشراقات
بدي اتقدم بوظيفة مراسل لاشراقات ممكن ههههههههههههه
تحيتي لكم يا من تضفون البسمة على وجه القارئ

[وفاء بنت غزة]

في اشراقة هذا اليوم صحوت على على صوت الامير يدعو الى الاسراع في التجمع
والصعود للباص والسبب كالعادة............اجتماع على شيء مفيد حيث قررت ادارة المنى والارب المشاركة في قطاف
الزيتون.....الموسم خير وبركه وكثرة الايادي غنيمة
يا سلام وكعادتهم يهبون بروح الفريق الواحد وكل حسب جهده وطريقة تفكيره اخونا الامير صوته عالي هذا اليوم
ويا الله يا شباب وهمه يا صبايا الشمس عليت وما بدنا نشوب اخوكم ما بستحمل الحر هوا البنان رطب وعليل
اختنا ارب استعدت تزودنا بكل ما يلزم من مفارش للشجر............سلالم..........امشاط واكياس خيش..........وما نسيت القلفز للستات بس
اما الشغل فلا يا عيني انا مديرة وما بشتغل
الاخ صائد اتصل هاتفيا يطمئن على سير العملية ورح يمر بعد ما يخلص المولد اما السيد ناجي فقد رصد الكميرات في كل الاماكن لحتى يتدخل في الوقت المناسب
وانطلقنا على بركه الله ومع مندل يا اربي مندل الكل مبسوط ومهيص
ومن اول ما طلعنا بالباص بلش اخونا منتصر بالقاء التعليمات ممنوع الاختلاط الاخوات في الكراسي الخلفية والرجال في المقدمة
ماشي ياالله معك حق خلي البركه تحل وخلينا نوخذ راحتنا همست عاشقة الوطن
ولما وصلنا البستان رجع اخونا منتصر خواتنا على الشجر في جهة ونحنا الرجال في جهة تانية
برضوا معو حق الزلمة
المهم سمينا بسم الله وفرشنا الارض وبلشنا قطاف الزيتون
كانو الستات بشتغلوا بهدوء بنت الوطن طلبت من العضوات الصغار التسلق على السلالم
وطلع الكل بدو يصعد ليثبت انو شباب
كانت بصيرة متل الفراشة في اعلى الشجرة وفداء فلسيطن حنونه وخايفة على الشجر
وشيماء اول مرة بتشوف هيك شغلة عم بتحاول تتاقلم .وتجرحوا ايديها...........والؤلؤه متعودة على النخيل وما لها بالشغلة
وبنت بلادي نازله تعد بالشجر وتتعرف على انواعه وهذا بعيش في الاردن بس وهذا في فلسطين وحيفا عم بتحاول تتعرف على الطبيعه من خلال قسمها وتحتفظ بصور تذكارية
وهمسه مجهزة كل ما يلزم للاسعاف والطوارىء بس ما بدها تشتغل دكتورة يعني
وروح راحت تتحجج بالفطور والغدا ما هي مشرفة المطبخ
وسما عين على شغل النسوان وعين على انجاز ادم ويالله يا صبايا سبقونا
وشرين وسماح حاطات روسهن ببعض والله اعلم شو الجديد عندهم اتوقع بفكرو بشغلة للامومه والمنتدى
وعلى شجرة منفردة كمشنا هابي والمنى ومس جوردن واميرة الظلام واربيلا ومذهله واشوية اخوات لسنا ما تعرفنا عليهم عم يتوتوتو عم يشتغلو بصمت وبسرعه ليش ما حدا عارف الطبع غلاب
اما اختنا سيدة الدفتر انتهزت الفرصة لتجلس تحت شجرة اللوز التي تساقطت اوراقها لتكتب خاطرة ع السريع وترجع تكمل شغل قال شو الخواطر اذا مرو ما برجعو انا بعرف انو تعبت وبدها توخذ شوية هوا
اما انا يا روحي انا الشجرات تبعاتي وخايفة علىيهم من القطاف الجائر ممنوع الضرب ممنوع التكسير وعم بركض ورا الحبات الهاربات
وبديش اعلق لحتى ما يبطلو يشتغلوا بعرف الشغل صعب وجد الزيتون بدو همه عالية وصبر ويا رب تخلص الشغلة على خير
وقبل ما يخلص حلمى بمساعدة اهل المنى والارب وتطوعهم معي لقطف الزيتون رح بنقل لكم
عن اخوانا الرجال فلنا حديث والحديث يطول عنهم في اشراقة اخرى

[shreeata]

صباحكم جميل كما هي
اشراقتكم الجميلة
الشكر لك اخي الامير
على هذه الاشراقة التي تضفي الابتسامة
على الشفاه
والشكر لك اخت وفاء على تذكرينا
بموسم الزيتون
صباحك فل جميعا

[B-happy]

ههههههههههههههههههههه
صباح جمميل الامير وفاء
والله وفاء تنافس الامير صايرة
لي عودة

[لؤلؤة ثمينة]

مسائكم معطر باكاليل الفل والورد
ومااجمل الاشرقات بحروفها ومتابعتها القيمة وترصدها لكل جديد وحدث
ومااصعب الغياب ايضا الذي يبعدني عنكم
ولكن حلاوة اللقاء بكم احبتي انستني مرارة الغياب

رائعه دوما اشراقاتك وتفقدك ايها الامير
شكرا لروحك النقية

تقديري لكم

[أرب جمـال]

هههههههههههههههههههههه
راجعتلك وفاء بدي اروح انام عندي دوام
لا تنسيني بمرطبان زيتون ولا بتنكة زيت ههههههههه
الللبن على شريف والدجاج على الامير وابو فداء عليه الخبز وعاشقة عليها البصل وفرمه والزيت منك وانا بجهزه والاكل ضيافة من اشراقات لكل الاعضاء
اروح انام بسرعة قبل ما يصحى زوجي ويشوفني لسه صاحية
ههههههههههههههههههههههههههههه