همسات دافئة

[وفاء بنت غزة]

تجمعني بك كل أجزائي
وتشتعل بك ذكرياتي
وتجمعنا رائحة الأرض الغراء
وتذكرنا السماء الشهباء
ويحول بيني وبينك اللقاء

[وفاء بنت غزة]

اليك فلسطين اكتب
فتصمت الكلمات امامي بشكل موجع
فمعذرة ان سقطت حروفي دموع
وتوقف القلم

[ابو فداء]

ما أروع حبك للوطن
كتابات مؤثره وقلم راقي
سلمتي أختي

[وفاء بنت غزة]

الم يقولوا لك ابو فداء
ان الوطن يحيا في القلوب
ومن لم يملك قلبا فيه وطن
فلا داعي لذاك القلب
لانه
يحيى بلا هوية
فيا قلبي اطلق اجنحتي
حيث يغفون
لاهمس لهم
بتمرد الحرف
وثورة الزنابق
التي تسكن روحي
كم اكره القلوب
الاصطناعية

[وفاء بنت غزة]

تعال وخرفني عند البيدر
عن ابوي وجدي وبيارتنا
وعن اليهود والعسكر
عن القمح وليمونا الاصفر
عن حب نما بقلوبنا
وفتح وزهر
عن امي الحنونه
وثوبها ابو عرق اصفر
وعن الحمام والتينه
وعن بير المي والدلو الاسمر
وعن مرآة عكسها شب بلون خيط الشمس الاصفر
يبعث رسالة خجولة لحلوة بقلبه حبها تبعثر
يااااااااه شو حلو
الوطن
ومعو بنكبر
انا ما نسيت بس معك بتذكر
يوم كنا صغار وفي ترابنا نتعفر
وشوشني مثل
نورس
ما ترك ارضه
مثل
تغريدة عصفور
للحرية
هلل وكبر
زمجر بصوتك
وقول حب بلادي
كبر وبيكبر
مع كل طلعة شمس
والله واكبر

[المفتش كرمبو]

ياهذة المسكونة بين الشرايين والاوردة

ياصباحاتك الدافئة

كما السنابل

وكبندقية المقاتل

وعنفوان الثائر

توشوش وفاء لصدفات البحر
وتهمس

[وفاء بنت غزة]

قول لصدف البحر ع الشط انا ناطرة
عودة عروبه كانت فينا ثايرة
عودة مهاجر مشتاق
وقهوته ع النار فايره
يا ريحة هيلها
دل وجوه كانت حايرة

[المفتش كرمبو]

احنا شباب المخيم
عاى حب الارض بنتعلم
احنا الشعب اللى ثار
وتعذب
لكن ماسلم

[المفتش كرمبو]

عارفة بوشوشتك راح انقلك غزة عندك
بكل مخيماتها وحكاياتها
وناسها وعاداتها
وشمسها وقمرها
غزة بدها اليوم ثوبها الابيض
بدها تنزف لعريسها الفارس
بدها تغنى
على دلعونا وريح الشمالى
بدها تطرد كل قاتل وخايب
بدها تتشابك وترقص رقصة فلسطينية

[المفتش كرمبو]

فى طريق عودة الذاكرة الى حيزها الاصيل
اندهشت وان اشاهدها من زاوية أخرى
ممشوقة القوام ..متناثرة الشعر الفاحم ..عيونها تأخذك فى رحلة سماوية .. تعبث بقدميك فى بحرها..
هى غزة

لنستعد ياوفاء لننطلق فى رحلة استكشافية لغزة هاشم
تشبثى جيدا
ودع البط والطناجر واللاب توب
وهات علبة الدخان عشان اعج واعج
نحن الان نقترب من الحدود المصرية الفلسطينية