حبيبي المسافر

[شوقى غنيم]

حبيبي المسافر
للشاعر المصرى شوقى غنيم
************************
اديتك من عمري
اديتك كل شبابي
والأيام بينا بتجري
وبتتألم في غيابي
ويوم يا حبيبي مترجعلي
وتكون جنبي في رحابي
وقولك في الحب وتقوللي
ونتفاهم مع بعض بتراضي
وتنسى الدنيا في حضني
وفرحنا يرجع عادي
لا ألومك ولا تلومني
وقلبي عليك راضي
وانسى انك كنت هاجرني
عارفه انك بتتألم في بعادي
****************
وتغيب تاني وتبعد
واستني رجوعك من تاني
والآلام في بعدك تتجدد
وتقول دا كله لولادك وعشاني
ولوحدي على سريرك اتمدد
واتقلب منمشي
الا مشوفك في منامي
دا انا في غيابك ببرد
ومخدتك اخودها في احضاني
ويطول الليل الأسود
ويتكرر في ليالي من تاني
وعشان حبك بصبر
مها في بعدك بأعاني
*********************
وترجعلي من تاني الفرحه
لما ترجع لولادك
وانسى الليالي الجارحه
واعمل بس لاسعادك
وشيل من على راسي الطرحه
دايما لبساها في غيابك
والبسلك فستان الدخله
وافرح برجوعك في ميعادك
واكون ليك أجمل واحده
كلي ذادك وذوادك
وتقول سامحيني وانا مسامحه
ونعوضني ليالي بعادك
*****************
يا حبيبي الأيام بينا بتجري
واللي يروح موش راجع تاني
وبتكبر وبيكبر وياك عمري
ويشتكي ليهّ فستاني
ومخدتك با خودها في حضني
بتقولي لمسة حبيبي وحشاني
وبيسأل عليك ابني
اقوله مسافر عشانك وعشاني
عشان مستقبلك يابني
وقريب يكون معانا من تاني


*******************

[أصدق احساس]

استاذي...

حروفك هنا للحبيب كـ ورد لن يذبل يوما
قرأت ابداعا
لروحك مني قوافل نبض مفعمه بلغه الورد

[شوقى غنيم]

شكرا لردك
والأجمل مما كتبته
أجمل احساس
تحياتي

[همسه]

سلمت يداك أخى الفاضل

ياريت لو نقدر نكتب مثلك والله

كلمات غاية فى الروعة ورقيقة جداً

جزيل الشكر على قلمك الرائع

دمت بود

[شوقى غنيم]

سكرا
أستاذتنا همسه
لردك الرائع
وهو وسام أعتز به
مع تحياتي

[سفير بلادي]

قصيدة مميزة
استنشق منها لملمة النبض بين الاحبة
رائع دائما بكل جديد
لك تحياتي

[عاشقة الوطن]

مشاعر سلسة جميلة .. بريئة وعذبة
تثير الإبتسامة .. ولا أعلم لماذا
دام تميّزك ورُقيك وابداعك
دمت بخير وسعادة
أطيب الأمنيآت

[شوقى غنيم]

شكرا سفير بلادي
للمشاركه
مع تحياتي.

[شوقى غنيم]

مشاعر سلسة جميلة .. بريئة وعذبة
تثير الإبتسامة .. ولا أعلم لماذا
دام تميّزك ورُقيك وابداعك
دمت بخير وسعادة
أطيب الأمنيآت
**********
شكرا عاشقة الوطن
للرد والمشاركه

مع تحياتي