خد معاك الزبالة.........

[أحمد معروف]

السلام عليكم و رحمة الله و بركاتة

كل الناس اللي اتجوزت انضحك عليها ما عدا أنا

ليه بقى علشان كل اللي جاي بيحصلهم وما حصليش خاااااالص

ناس كتير بتتمنى تتجوز وبتبقى زعلانة إنها ما اتجوزتش

وفي ناس اتجوزت على نفسها

وقبل الجواز بيروح لخطيبته بيشوف إيه

جمال

وريحة حلوة

ودلال

وذكاء

وحاجات حلوة ياكلها

وترحيب

وبيكون هو في قمة الشياكة ومبسبسب شعره

ويتجوز وهو بيقول لنفسه : ههههه يا عيني على المتجوزين كلهم أخدو مقلب إلا أنا

بعد الجواز

في ريحة غريبة بتطلع بعد فترة من الكائن الهلامي الخرافي اللي اسمه بامبرز

وتدفع فيه فلوس كمان يعني مش ببلاش يعني فلوسك بيتعمل فيها بيبي

يعنى البيبي ب جنيه و نص تقريبا

والذكاء بيختفي وبيطلع مكانه تتنيح

والحاجات الحلوة بتتقلب عيش بايت وطبيخ حمضان

وكل شوية هات هات هات هااااااااااااااااات

هات عيش ولا تقعد مع العيال : طبعا لازم الواحد ينزل

هات لبن ولا العيال : ينزل

هات شبت وبقدونس ولا العيال : ينزل

هات بامبرز ولا الريحة : ينزيييييييييل

هات لحمة : بس دي غالية : حتنزل ولا العيال : ينزل

هات سمك : ينزل

هات رز : ينزل

هات مكرونة : ينزل

هات عدس : ينزل

هات بصل : ينزل

مش تقول هات حاجة كشري مرة واحدة : لأ لازم العذاب

كله هات هات هات هات هاااااااااااااااااات

اليوم اللي ربنا يكرمها وتقولك خد : تقول :

خد معاك الزبالة ارميهااااااااااااااااااااااااا اا

..........

شفتو كل الناس انضحك عليها ما عدا أنا هههههههه

[حنان عرفه]

والله ظلم يا ابورورو يعني عايزين جواز ومن غير مسئولية ولا ايه
بس حقيقي لازم نعيد نظر في بعض الاشياء
شكرا رورو للبسمة اللطيفة

[أحمد معروف]

اقتباس : المشاركة الأصلية كتبت بواسطة حنان عرفه [ مشاهدة المشاركة ]

والله ظلم يا ابورورو يعني عايزين جواز ومن غير مسئولية ولا ايه بس حقيقي لازم نعيد نظر في بعض الاشياء شكرا رورو للبسمة اللطيفة

ماحنا مستحملين وراضيين
بس الأمر مايسلمش من شوية فضفضه
ثم فى الأخر ماحنا بناخد ال....زباله
هنلاقى أحسن من كده فين؟؟
الحمد لله

شكرا لمرورك

حنان

[عبدالوهاب]

أنا رأيي بأمانة إن البنات على أصناف طبعاً ، و الصنف المذكور هنا هو نوع من أنواع الشعب العربي في حد ذاته وهو المنتشر ( على الأقل عندنا منه كتير بالكيلو ) .. النوع ده بيتشكل عندنا نتيجة الدراسة والإعلام وطريقة الحياة المدنية والعادات السيئة وسوء التربية والأوضاع الاجتماعية ، هوا الإيجبشين لايف ستايل من الآخر .. بس فيه بصراحة نماذج تبرد القلب فعلاً .. يا سلام على البنت الراضيه الصادقة اللي بتتحمل المسؤولية ما أحلاها .. في صفات خلقية معينة لازم تبقى موجودة عند الطرفين .. لإن بعد الطفل الأول بيزيد الإلتزام وبتزيد المسؤولية .. وقبل كده بيبقى الجواز كنز .. ضحكني موضوع إن البي بي بفلوس .. ميرسي ليكي على الموضوع ضحكني خالص ..

[أحمد معروف]

اقتباس : المشاركة الأصلية كتبت بواسطة عبدالوهاب [ مشاهدة المشاركة ]

أنا رأيي بأمانة إن البنات على أصناف طبعاً ، و الصنف المذكور هنا هو نوع من أنواع الشعب العربي في حد ذاته وهو المنتشر ( على الأقل عندنا منه كتير بالكيلو ) .. النوع ده بيتشكل عندنا نتيجة الدراسة والإعلام وطريقة الحياة المدنية والعادات السيئة وسوء التربية والأوضاع الاجتماعية ، هوا الإيجبشين لايف ستايل من الآخر .. بس فيه بصراحة نماذج تبرد القلب فعلاً .. يا سلام على البنت الراضيه الصادقة اللي بتتحمل المسؤولية ما أحلاها .. في صفات خلقية معينة لازم تبقى موجودة عند الطرفين .. لإن بعد الطفل الأول بيزيد الإلتزام وبتزيد المسؤولية .. وقبل كده بيبقى الجواز كنز .. ضحكني موضوع إن البي بي بفلوس .. ميرسي ليكي على الموضوع ضحكني خالص ..

موضوع البامبرز دا حكايه بجد تطلع العين..مالها الكوافيل كانت ساترانا ..

ههههههههههههههه

شكرا لمرورك

عبد الوهاب

[عبدالوهاب]

اسحيلي أهديكي المقطع ده رد جميل يعني ..

http://www.youtube.com/watch?v=dQ4A_...eature=related