اليك ولاخر اقول وكفى

وفاء بنت غزة · 11 - 9 - 2013, 01:36 PM

اليك يا صاحب البكب الداتسون الازرق (نص عمر) اقول
لما تصر دوما على ازعاجي وقطع هدوء شرفتي انت واسطوانتك المشروخة
حتى وانا اكتب في هذه اللحظة تصر على المرور مرة اخرى وكأنك لا تمل ولا تكل
(الي عندو نحاس حديد توتيا خربانه للبيع)
وكأنك تغازل كل مقتنيات بيتي للخروج لك ولا تقدر ان من يمتلك حديدة هذه الايام ملك
وسيفتش عنك يا ولدي في كل مكان
لما تذكرني ان علي ان اخبرك عن تجارة مجزية اكثر
في زمن الاوطان المخنوقه
كثيرا ما اتمنى لو تكون اسطوانتك على هذا النحو
الي عندو
شهادة جامعة انتهى مفعولها..................الي عندو مشاعر واحاسيس
الي عندو دم حر ونقي ويثور لعرضه ودينه يلحقني
الي عندو رجلين مو خربانات.............ولي عندو قلب مكسور على حال امتنا العدم..........الي عندو عيون جفت منها الدموع على حالنا المايل
الي عندو عقل بيفهم شو بيصير في عالمنا العربي.............الي عندو جهاز تلفزيون بغني للحرية وما فيه قلة حياء
الي عندو امل بالعودة يطلع معي
الي عندو وقت يرفع راسو من الجلاكسي والواتس اب يلحقني
والي والي والي..............
وتلولحي يا داليه
بدنا نرجع الغالية
وهمتنا كبيرة وعالية

اليك اقول
اذا غيرتها
ممكن تعبي البكب وتبطل شغل ودياره بالشمس
وتصير حالتك فوق الريح
وكمان تبطل تقرقعني
هذا اذا الدنيا ظل فيها خير لغاية الان
اليك اقول
مشان الله لا تمر وتفسد وحدتي وتعكر قهوتي
وتثير الغبار على سجادتي المغسولة لتوها
وتغبر بلاط بيتي
فقط اريد ان اشعر ان لي مملكة وسط تزاحم الكراسي
وفقدان الهيبة في كل شيء
وفاء
اليوم وقد انتزع الهدوء

**ابو فداء** · 12 - 9 - 2013, 12:21 AM

هههههه
جكر فيكي راح يضل ينااااااااااااااااااادي
حد وازوا عليكي
مودتي

**shreeata** · 12 - 9 - 2013, 11:42 AM

ههههههههههههههههه
روعة عزيزتي وفاء
صباحك فل دائما يارب
تحيات لك

**أرابيلا** · 13 - 9 - 2013, 01:33 AM

اسلوبك رائع اختي وفاء
ان شاء الله صاحب البكب يظل يمر بلكي ظلينا نقرأ لكاتبنا الكبيرة احاسيسها
مميزة واسعد الله صباحك

**همسه** · 13 - 9 - 2013, 01:53 AM

كل واحد يدور على رزقته بطريقته ولا يهمه ازعاج الناس
تسلم الايادي
مودتي

**جمال جرار** · 13 - 9 - 2013, 04:38 PM

صح لسانك أختي أم عامر
بس اسمحي لي أخالفك الرأي لو دور على العينات اللي
حكيتي عنها ما رايح يلاقي حدا
والاّ لأ
مين بدو أوطان والاّ اسي علاقة بالشرف وغيره
ما ظل حدا يا أم عامر يا سيدتي الفاضلة
شو بتحكي بقصص نسيوها معظم الناس
يطول عمرك ويحفظك إلنا ولعيالك
فكري مليح

**الغضنفر** · 13 - 9 - 2013, 05:55 PM

هههههههههه والا بياع الغاز ههههههههههههههههههههه
مشكووووووورة

**وردة المسااااء** · 13 - 9 - 2013, 05:55 PM

سلمت يداك على الوصف والله يعينك اختي

**B-happy** · 13 - 9 - 2013, 11:18 PM

هههههههههههه
هو ابو الخردة والا بائع الخضره والا المنظفات والا سيارة الغاز والا زامور الجار لما يوصل البيت وعاوز اولاده يستقبلوه ههههه
كل عيشتنا ازعاج وترقب على الساعة الدور على اي زامور هههههههه
تسلمي غاليتي

**الامير الشهابي** · 14 - 9 - 2013, 12:01 AM

صوره من وجع الأنسان العربي
سلمت أبو فداء
بارك الله فيك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

اليك ولاخر اقول وكفى

فضفضة واعترافات