موسوعة قصائد الشاعر (( خلف المشعان )) 70 قصيدة

[مصطفى]

بسم الله الرحمن الرحيم

من هو خلف المشعان ...؟

ولد من يعتزى فيه ويحل وينقض المفتول
.. // أنا منهو على درب المراجل يسحبه خاله


وماهي نظرة خلف المشعان للشعر ...؟

لا انظر للشعر كما ينظر اليه الاخرون .. مع احترامي لجميع من يكتب الشعر فأنا ارى هذا الشعر ليس إلا ( معجون صلصال ) اشكله كيفما شئت .

وما تقييم خلف لنفسه من الشعراء ...؟

لست شاعرا حقيقيا كما يعتقد الكثير فالشاعر الحقيقي على الأقل تراه يحتفظ بقصائده ..
ادخل بيتي واتحداك لو وجدت قصاصة شعر .


هل تطمح أن تأتيك الفرصة لتكون شاعرا غنائيا ؟

جاءت الفرصه .. وكتبت شعراً غنائيا .. ونجحت العديد من الأغاني لكنني رفضت أن تسجل باسم خلف المشعان لأنها ليست من الشعر في شيئ .

لماذا لم تنشر قصائدك بالصحف ...؟

هل تعلم اني نشرت نصين وانسحبت .. خوفا من عواقب الضوء .. !!

والتي تبدأ بالبحث عن سقطات الشاعر وتنتهي بالسب والشتم والتعرض لشخصه .. ؟؟

ماذا تعرف عن الرجال ...؟

الرجال كالسيوف تماماً ... نقول له كيف وضح لنا ... يقول .. فكما أن الرجال معادن
أيضاً السيوف معادن .. فنجد رجلاً معدنه أصلي يحمل سيفاً معدنه أصلي ..
و نجد رجلاً معدنه مقلد يحمل سيفاً مقلداً .. و نجد رجلاً من ورق يحمل سيفاً من ورق
فالأوراق لا تدوم أبداً و الرجال الورقيون لا يدومون و سيوفهم لا تدوم بل تتلاشى مع أول طعنة ورقية ..!!



كيف تكتب قصيده .....؟

يستغرق الشعراء اياما وليالي في كتابة قصيدة جديده ثم شهورا من التدقيق والتفحص لنشرها
بينما تنتهي وتنشر قصيدة خلف المشعان في الربع الأخير من الساعه التي يقضيها في مقهى انترنت
فهو غير مستعد لدفع 10 ريال أخرى ..



مارأي .. الشاعر .. خلف المشعان .. في قصائد المدح ؟؟

غرض من أجمل أغراض الشعر .. حينما يكون لغير غرض ..!!

[مصطفى]

( 1 )

عرفة وجيه!!



ياكثرهم .. لا قلت لك .. عرفة وجيه
وياقلـهـم .. لا قـلـت .. قــدر ومـعـزه
:
رجـلٍ .. تعـزه بعـد ماتلتـقـي .. فـيـه
ورجـلٍ .. قبـل ماتلتقـي بـه .. تـعـزه
:
ورجـلٍ .. تـرزه بالمجـالـس مبـاديـه
ورجـلٍ .. فلوسـه بالمجـالـس تــرزه
:
ورجلٍ .. يموت ولا يجيبـون طاريـه
ورجل ٍ .. يجي طاريـه فـي كـل حـزه
:
ورجلٍ يهزه .. بعض موقف ويشقيه
. ورجلٍ .. مهوب أيّات موقف يهـزه
:
ورجلٍ .. ضعيف .. ويستفزه معاديه
ورجـلٍ .. كـلام اعـداه .. مايستـفـزه
:
ورجلٍ .. تلزه يعترف لـك .. بخافيـه
ورجـلٍ .. علـى خافيـه .. محـدٍ يلـزه
:
ورجلٍ .. يوزونه .. ويزعـل بنيخيـه
ورجلٍ .. يزعّـل مـن يحـاول ، يـوزه
:
ورجلٍ .. تكـزه لا زم انـك .. توصيـه
ورجـلٍ .. بلـيّـا مــا توصـيـه .. كــزه
:
من لا فرش .. للمرجلـه .. ماتغطيـه
ومن لايخز .. النـاس .. محـدٍ يخـزه
:
ان كنت تعرفني فهي .. عرفة وجيه
مو شرط لك بالقلب قدر .. ومعـزه



/// خلف المشعان




(2)

معقوووول



بنجـوور .. يـا للـي ساكـتـه .. قـولـي لــي
.... وشلـون .. قلبـك .. والغـلا .. شاخبـاره .. ؟؟
:

وشفيـك .. يالله .. صحصـحـي واحـكـي لــي
... // وش تقصـديـن .. بـصـورة ٍ محـتـاره ..!!

:
معـقـول يعـنـي .... نـاسـيـه .. إيمـيـلـي !!
... كـل ذا زعـل .. !!.. والا دلـع و جــواره ..!!

:

أيــوه .. كــذا .. تكلـمـي .. ياااااااويـلـي ..!!
.. ..لــي ساعـتـيـن .. أكـلـمـك .. يـــا.. حـ
:

يالله .. تعـالـي واقـعـدي .. غـنـي لـــي ii..!!
.. .. مبطـي .. تـرى عـن دبـكـة .. الـهـواره ..!!

:
ميـلـي علـيـه .. يابَعَـدهـم ... مـــي لـــي
. ... . دنـيـا الـبـشـر .. يادنـيـتـي .. دواااااره !!
:
ودي .. أبــدد .. مــع صـبـاحـك . . ليلي
. . . واقـطـع بحـبـك .. يـاغـلاي .. الـشــاره
:

شعـر الهجـا .. ماعـاد .. أبـد يعـنـي لــي
.... ((( إياكِ أعني .. واسمعي .. ياجاره )))

:

شوفـي رجعـت اكتـب .. غـزل .. شحليـلـي
.. ولعيونـك ارسـم===> وجـه ابــو نـظـاره

[مصطفى]

/// خلف المشعا ن




(3)


زارني شيخ بمنامي !!


هــزني شــوق المعني .. ماعلي من الملامـه
..لهـف نفسي .. للقوافي .. لهــف خيٍ جاه خـيه
: :
إن نسى ياقف بوجـهه .. قال : عز الله مقامه
... وإن وقفله .. حب راسه .. احترام ومـقدريه
: :
ماقصدت يقال .. شاعر .. ويتفنن .. في كـلامـه
...موهــبه من فضل ربي .. ساقــها الرحـمن لـيه
: :
ماتفاخر بالقصـيد .. ومـدّعي .. فيه الزعـامه
.. مير جيت من الأخير الياالصفوف الأولــيه
: :
لي هيامي .. في الخيال .. وكـل شاعر .. له هيامه
.. والشعر مابه كبير .. ولاصغير .. ولااقدميه
: :
من بكم يحضر قصيده .. ياجماعه .. في منامه
.. ماتحدى .. مير والله يانها صارت علـيه
: :
زارني شيخ .. بمنامي .. ( محرم ) ولابس عمـامه
.. دق صدري .. في ( عصاه ) وقال : جايبلك هديه
: :
قلت : وشي ؟؟ قال : هذي !! قلت : وشي ؟؟ قال : خامه
... فلها واكتب علـيها .. قلت : مافيهاأذيـه
: :
قال : أبدا لا تخاف .. وقلتله : مع السلامه
... وقبل يمـشي .. هز كـتفي ... قال : عندي لك وصيـه
: :
اكتب اللي انت شفته .. ماعليـك من الملامــه
.. راح تطلعلك .. قصيده .. تستحق الأفضليه
: :
وصـد وجهه .. راح يمشي .. وقمت افكر في كلامـه
... كيف اخـلي هالقصيده .. في منامي واقـعيه
: :
يوم فليــت القماشه .. فرفحت .. مـنها .. حـمامه
.. وقمت اصفق من منامي للحلوم الشاعـريه
: : : : :


/// خلف المشعان



(4)

المشعان يرد بزياره للشيخ

تذكرون الشايب اللي زارني بذاك المنام ..
؟
؟
؟
؟
؟
؟
؟
؟
؟
؟
؟
؟

؟
؟
؟
في
منامي
كيـف ؟
مــدري ! ….. رحت زرته في منامه
:
:
:
:
:
ليلة البارح ..
لقيته ..
فوق موج من الغمام

……………………………. جادعٍ جنبه عصاه ..
…………………………….ونازعٍ ذيك العمامه ..
:
:
:
:
:
جيت بشويش
وندهته ..
اقعد ..
اقعد .. ياإمام !

……………… صك ايديه .. وحك عينه
……………………………قال .. وشي ها لغمامه ؟؟
:
:
:
:
:
قلتله :
صحصح دخيلك ..
جيتلك .. عندي كلام ..

………… قال : منهو ؟ ماعرفتك !!
…………………….. قلت : انا راعي الحمامه
:
:
:
:
:
قال : طارت ؟
قلت : طارت !
قال : والله ماتلام
……………. قلت : ليه ؟ وقال : طبعاً ..
………….……………….….. رحت تسمع للملامه
:
:
:
:
:
:
قلت :
والله
ماسمعت ..
لغير ربعي .. والسلام

……… قال : ربعك غير طبعك
……………………….... وانت غير وبك علامـه
:
:
:
:
:
قلت :
وشي هالعلامه ؟
قال : واضح بالعتام ..

………………….. قلبك ابيض
…………………………….. لايهمك من يخمك في كلامه
:
:
:
:
:
قلت :
شفهم .. غيروني ..
شلة عيال الحــرام ..

……………… قال : أنا ادري
……………………… واعرفهم .. مابهم ذرة كرامه
:
:
:
:
:
:
قلت :
ابيلي خامه اكبر
ماتقطع .. بالزحام

…………….. قال : شمر .. لاتذمر
……………………….... وانت شاعر دون خامه
:
:
:
:
:
:
قلت :
طيب ..
ويش اسوي ..
قال : خلك بالظلام …

……………. هالزمن لو شفت نوره ؟
……………………………. راح ترضى عن ظلامه
:
:
:
:
:
لكن اسمع ياوليدي : ـ
ظل عندي
لك كلام ..

…………. الجمل ماراح يصبر ؟
……………………….. لو تخلى .. عن .. سنامه
:
:
:
:
:
اكتب اللي في مزاجك ..
وابتكر ..
واكرب احزاام ..

……………لاتخاف .. ولاتداري
………………………………ولاتدور للزعــامه
:
:
:
:
:




قالها ..
ثم دار وجهه
للغيوم ورد نام ..

…………… وقمت فازع من منامي ..
……………………………. بس اتمتم في كلامه!!
/// خلف المشعان

[مصطفى]

(5 )

المدرسه

قالت : هو انت اللي تسولفبك نجــــــود ؟؟
قلت : ايه انا قالت : انا اسمي أمــــــــــيره !!

قلت : آمري .. قالت : ترى ريم محمود
أهدت قصــــيده لك لابله منيـــــــــــــــــــــــيره

تبي تسوي زي ماسوت اخلوووووووووود
اللي خذت ( إعجاب ) أبله شهـــــــــــــــيره

ومره بعد ....

ومره بعد فريال أهدتلها اعهـــــــــــــــود
أبيات من شعرك .. وغارت سمـــــــــــــيره


عشان ( هذي ) معجبه بهند مســــــــــعود
وفريال تطلع أخت هند الصغيــــــــــــــــــــره

شربكه !!


ومره .. قرت حصه .. قصيده لعانووووووووود
وراحـــــــت وودتها لأبله مشـــــــــــــيره


وابله مشيره فتشت شنطـــــــــــــــة انجوووود
واقعدبها .. شعرك وصل للمديره

/// خلف المشعان





(6)

من هيك عم يبكي الصبي!!


أكذب عليك ان قلت لك : ياصاحبـي مافـي جديـد
لا والله الا ضـيّـقـت كـثــر القـصـايـد مـكـتـبـي

تبغى فخـر / والا حكـم / والا غـزل يابـو يزيـد
كـل القصيـد اللـي تبـي مـوجـود قـلـي وشتـبـي ؟

الأوله : قلت : ( عنـزه ) ماهـي بحاجـة للقصيـد
صبيـهـا مــن غيـرهـا يـسـوى 900 صـبـي !

قبيلة . من مجدهـا حتـى المـؤرخ يستفيـد
قــل للبلـيـد وذكــره. بـأحـداث فـلـم المـصـربـي

كل قوم قيل الاْ عنزه قومٌ أولـي بـأسٍ شديـد
صلـوا علـى ذكـر النبـي / كافـي لنـا ذكـر النـبـي

الثانيه : قلت الزمن هذا زمـن حـرب الصعيـد
أنـا واخويـه دون ابــن عـمـي / وضــد الاجنـبـي

والجاهلـيـه عــوّدت يمـكـن ولـكــن الأكـيــد
انـي ارتفعـت ولا بتـي حولـي وهـذا ملعبـي

من له رصيد من الأدب والذوق ما يبغـى رصيـد
والا الغبي مهما بلـغ يبقـى يبـن عمـي ، غبـي

الثالثـه : قلـت اتركـي عنْـك أغنيـه عبـد المجيـد
عنـدي لـك أحـلا منّهـا ياغاليـه بـس اقربـي

تقـول قربـك ياخلـف ماهـو مثـل قــرب البلـيـد
وتطلبني اقرب ياخلف ؟؟ أبك انت كلك مطلبي

معذور احبك ياغلا واعطي غـلا غيـرك جحيـد
واقول تأبرنى أنا من هيك عم يبكـي الصبـي

[مصطفى]

( 7 )

خارج نطاق التغطيه!!


خارج نطاق التغطية .. او .. تغطيـه دون النطاق
...... فرق الخروج المنطقي حسب اختلاف المنطقه

ماهيب لعبة مفردة .. بين التجـــانس والطباق
....... لا لا ولا هي فلسفة شاعر فراغ وهرطقـه

المسأله !! ركز معي .. يمكن ترد ضمن السياق
...... لاتسبق احداث الشطر قبل انطقه لا تنطـقه

شيٍ يطاق بهالزمن .. واشيا كثيره ماتطــاق
...... شعر الغزل غير الهزل .. والطق غير الطقطـقه

المشكله مو بالطراق ،، المشكله بعد الطراق
......يامحللين المشكله .. بلاش .. كـذب وتريقــه

إتي اتحاد ... وتختصر إتي .. بعــد للاتفـاق
...... لكن ولاإتي .. بقت في ظل عصـر التفـرقــه

ناخذ طراق ونبتسم .. احلى عرب ..!! واحلى عراق
.......واحلى فلسطين ونقط .. لا خر حدود المنطـقه

/// خلف المشعان



--------------------------------------------------------------------------------

(8 )

صدري بلد

خيوه ، أنا صدري بلد .. كله عنوز
... // .. بفياضهم ينبت خضار .. اعتزازي
:
:

من جيل ابن عبار لا جيل ابو روز
..... // .. لا جيلي .. اللي يشهدون ، امتيازي
:
:

قطفت جوز الهند ، مع فزة الجوز
..... // .. وفجرت ،، نبعٍ بالقصيد ، ارتوازي
:
:

ماني من اللي بالمواقيف ، مهزوز
...... // .. حامض على بوز الزمان اهتزازي
:
:

ماادور الفرصه ولا اتعب على الفوز
.... // .. كم فرصة ٍ راحت تمنى ، انتهازي
:
:

ما همني / رائع / ومبدع / ومحجوز
.. // .. ولااتعـِـب على راي ، الخلايق جهازي
:
:

هالشعر ماجيته ولا جيه ، بالــتوز
.... // .. ان ماطلع ..باحساس مالله موازي
:
:

كم ما يجوز.. لـيا شتهينا له ، يجووز
.... // .. من باب تشبيه المحال ، بمجازي
:
:

اهل الحفر تطرب على صوت ، فيروز
...... // .. اذا اطربت لبنان ريشة ، عزازي
:
:

ياعويس انا عن سكة الغيـم ، ما جوز
......... // .. رايك على جزل القصايد جوازي
:
:

شعري على خبرك ، ترى مابه رموووز
........ // .. لا تنزعج ، ماراح .. اظلل قزازي

[مصطفى]

(9)

شكسبير

الشعر ماهو فلسفه .. ياشكسبير !!
... مالي ومال صخام .. ( شمس المعارف )

"
"

الشعر مايحتاج دوخه وتفكير ..!!
.. قبلي وقبلك .. عرفوه .. العوارف :

فكره
..
معاني
..
مفرده
..
وزن
..
تصوير !

.. طارف .. ولا هو لاكثر الناس .. طارف !

"
"

الشعر اشد من التعب .. والمشاوير !
... واهون من الوقفه .. بوسط المصارف!

"
"
جايز تقول .. انه غوايه .. وتغرير
.. وجايز تقول : انه .. وسيلة تعارف

"
"
بعض القصايد : ( صبصبة عصر بشكير ) !!
.. والبعض الاخر .. كنها سيل .. جارف !!

"
"
يصبغ على النيه .. مثل صبغة الجير
... لين البياض .. يصير .. خدشة رفارف

"
"

تدري .. بلاش من الأسا .. والاســـا طير!!
...... ماكرمت وجه .. البلاط .. الزخـــارف

"
"
اسمع كلامي .. وانتبه ياشكسبير ...!!
.... الشعر شفته .. يوم شفت المشارف !

"
"


أصدق من الدهشه .. بعين الجماهير ..!!
... واكذب من الدمعه .. على خــد عارف!

/// خلف المشعان




(10)



الملعبه



أنا فالملعبه يطري علي ان الرسول يقول :
(( دَمُ المسلم على المسلم حرام وعرضه وماله ))
:
أنا فالملعبه هرجي يمر عقول دون عقول ..
عميلٍ مايجاريني ي.. دورله من اشكـاله
:
الى منه حشم نفسه عن الزله مهو مخـــذول
والى من ضاعت علومه تركته يشرب دلاله
:
أنا ماقول من قدي ؟ ولاني من السما مرسول
ولكن من يبي يلعب .. يناظر منهو .. قبـاله
:
ولد من يعتزى فيه ويحل وينقض المفتــول
أنا منهو على درب المراجل .. يسحبه خـاله
:
أنا منهو عشق لعب القوافي داخل الزهمول
وانا من جبر كسور القصيد ... وقام يبراله
:
أنا من طوّح سيوف النشامى سيفه المصقول
الى من قال : ( خلوها ) سرى ياليل مواله
:
أنا ماحلحلو حيلي ولوهم حاولوني حول ..
أحلّ احيَلّ من حاول معايه .. يبلش بحاله
:
وش المعقول ؟ لاقالو تقول اللي مهو معقول
كثر ماقيل ذا قولي .. ولا قبلي ، أحد قاله
:
قصيده لو عرضتوها على ( صياف ) وشبيقول....؟
اذاهي طافت ( حبيّب ) ولامرت على باله
:
وانا فالملعبه تطلع علومي والحديث يطوووول
ولكن من يبي يلعب معايه يفهق عقاله !!..
:::::::::::::

[مصطفى]

((11 ))

يا ست!!

ياست / ست سنين / قضّيتها .. Test
... (( للموهبة )) .. حتى احترفت .. الإثاره

شبلٍ .. على شعر الفـراسه .. تفرست ... !!
... (( ذكي )) .. واحلل .. ماوراء العباره

لا شفتهم بالـ east عاكستهم west ..!!
لكن .. بمنطق .. واعتبرها .. شطاره

....حاسو .. ورى هم .. الصداره .. ولا حست ..!!
. جالس بعيد .. وحست .. وضع الصداره

غيري يقيسون .. الستاره .. وانا .. قست ..
....أبعد .. مسافه .. عن .. حدود .. الستاره

هم همهم .. وصف الغواني .. على البست
....(( عفواً .. هنا .. تضمين واضح .. دعاره ))

تعني لهم .. أهلا ً.. وسهلا ً .. وآنســت
......وانا استحي .. لا زور .. (( زايد )) .. زياره

ياست .. انا راضي .. يكون اللقب .. Guest
روحي ارفعي شكواك .. عند الاداره ...!!
/// خلف المشعان
(12 )

لوْلى .. ولوْ لى



لوْلى .. ولوْ لى ......!! كــم تقولين .. لوْ لى ؟
... هالحرف ذا .. دايم يعكر صفائي ..!!

:
:

أوْ لى .. بوقـْتـك .. إنـّ انا ../.. فيه .. أوْ لى
... يعني مسائك .. يابعدهن .. مسائي !!
:
:

تدرين .. لا خوْ لى .. ولا ألف .. خـوْ لى ..!!
.... تحلم على عهدك ../ .. تفوز بولائي ..!!

:
:
عندي .. سؤال .. وجاوبي .. إيـه أوْ لاْ ..!!
.... تحملي .. بالله .. لحــظة .. غباااائي ..!!
:
:

ممكن ..؟؟
....... يصير ..؟؟
............. الحب ..؟؟
.................. من غير !!
......................... لوْ لى ؟؟
..... خوذي نفس ..!! .. قبل الجواب النهائي ..!!

/// خلف المشعان ///

[مصطفى]

(13 ) احد ضحايا العولمه


ياخي ضحايا هالتطور .. كثيرين
........................ // والعم ( نور الدين ) آخر ضحيه
:
:

عشرين عام ونور ماشي علىالدين
........................ // مافي موظف ( بالعليان ) .. زيه
:
:

خلوق ، وحبيّب ، وطيب ومسكين
......................... // ودايم على نفسه يبدي .. خويه
:
:

يمشي حسب ممشى العمل والقوانين
......................... // ومأدّي الواجب .. بنفسٍ رضيه
:
:

ربك بلاه .. وجاب له مدري منين
.............................. . // بلية ٍ .. ياكبرها .. من بليه
:
:

بدل ( رهيب 2000 ) بالفارس ( 2000 )
.......................... // ويامن شراله من حلاله .. أذيه
:
:
ركب من النغمات .. ( ياليل يا عين )
................. // ( وعل الهودلك .. يابه .. وعل الهودليه )
:
:

وكل مااتصل به شخص طنش له شوين
..................... // يعني اسمعـوا .. نغمة جهازي قويه
:
:

فجأه / دخل مديرنا بخاطرٍ شين
....................... // منهو جهازه ؟؟ جاوب ( الزول ) ليّه
:
:
قال اقفله .. لا اكسره فوقك الحين
............................ // وشوي سواله .. ملف وقضيه
:
:

وقع تعهد وانخصم منه يومين
........................... // من دون أدنى .. ذنب والا خطـيه
:
:

ضحكت من قلبي وانا اقول ياشين
.............................. // ماقلت لك يانور .. خذ ( فيصليه )

// خلف المشعان//



(14 ) قصيده مالها داااعي



هنا أوضاعي .. / .. هنا أوجاعي. / . وهنا أطماعي فبعض أشياء

/_\/_\/_\/_\/_\/_\/_ هنا ـ وكل ماهنا يعني ( قصـــيده ) مالها داعي.!

:
:
:

يـ سيدي كل ماحاول أصححها >>> تزيد أخطـــاء x x x !!

/_\/_\/_\/_\/_\/_\/_ ولا في بيت تستجري . حــروفه . تكـــسب اقنااعي

:
:
:

وش اكتبلك ؟؟ وانا خــايف . بعـد مكتب. من الامضـــاء ..!!

/_\/_\/_\/_\/_\/_\/_ تحت ( صدق ) اعترافااااات القصـــيد . بمحضر ابداعي

:
:
:

وش اكتبلك ؟؟ وانا عــاجز أحس .. برغـــبة القرااااااااااااااااااااء

/_\/_\/_\/_\/_\/_\/_ وش اكتبلك ؟؟ ( واشاعات الخـــليقة ) تلوي ذراااااااااااعي

:
:
:

كرهت الشعر .. واتعبني المديح ... وغـــثني الاطـــــراء !!

/_\/_\/_\/_\/_\/_\/_ وصلت .. أعلى الهـــرم يمكن ..!! ولكن وينها اتباااااعي ؟

:
:
:

فهــد ــ عايد ــ عـلي ــ زايد .. كثير أسمــاء ....!!

/_\/_\/_\/_\/_\/_\/_ هنا كانت مشاعرهـم . تضــج . وتطرب اسماااااااااااااعي

:
:
:

هنا .. شاف الولد نفسه ( وشــاعـ ) وعشمووه ( براااااااااااء )

/_\/_\/_\/_\/_\/_\/_ وهنا ( ضاع ) وبدى يكــتب قصايد مالهاااااااا داااعي


// خلف المشعان///

[مصطفى]

(15) ثرثااااار


أنا .. يوم آخـــذ وأعــطي معـك ، قلتي : علي ( ثرثار )

...\/\/\/\/\/\/.. أجـــل .. وشلووون ؟ لو بوصف شعــوري ، وشتسميني ؟؟

:
:
:

صحــيح اللي حصل ( صدفة ) ولاادري يومهــا ، وشصار ؟

...\/\/\/\/\/\/\/\/\/.. ولااذكــر ، وشطــلع مني كــــلام .................... ولاتلوميني
:
:
:

بدايات الحكــــي ( مـــزح ) ونهــــاياته .. كــــــلا م كبار ...!!

...\/\/\/\/\/\/\/\/\/.. وخــلص كـــل الحكـي .. لكن ! بقيتي ساكنه فـــيني ......!!

:
:
:

على همـــسك ، وضحكـــاتك .. بدت تلعبي الافكــــار .........!!

...\/\/\/\/\/\/\/\/.. تولعت ( بدلع صوتك ) وانا ماشافتك ....عــــيني ............!!

:
:
:

وانا رغم انها ( صدفه ) ولكن ..!! صرت بك محــــــتار ........!!

...\/\/\/\/\/\/\/\/\/.. أقول : شلووون حبيتك ..؟ ومعـــقوله ...!! تحــــبيني ........!!

:
//// خلف المشعان////




16- زمان المهزله






يقولون الخوي : رجلٍ تجيـه بساعـة الشـدات
وانا اقول الخوي : رجلٍ الى من ضـاق ماجانـي

لانـه خابـرٍ عسـر القوافـي يجبـر الابيـات
لذلك يحسـب حسـاب المعانـي يـوم ينخانـي

خويٍ مادرى .. يسكت ويفهمها .. على ماجـات
وخويٍ لو درى .. يمكن بيلعـن جـد شيطانـي

وخويٍ شايف ويدري .. ولاهو مـدور الـزلات
وخويٍ مايبي يـدري .. ولاادري ليـه عادانـي

ويقولون الزمان اللي تغيـر .. ماهـي العـادات
وانا اقول : الزمن هذا .. خـذا ربعـي وخلانـي

مـع اللـذات بالدنيـا .. تطبـع حبهـم للـذات
تغير كـل مفهـوم الحيـاة ... لجيـب مليانـي

زمن يرفع ثمن حتى الكفن مـن كثـرة الامـوات
قريباً ... نسمع بموضة ( كفن للموت افغانـي i)

عشان ادم غلط يعني ؟؟ نتساهل باكثـر الغلطـات
بـدى يخطـي البنـي آدم بحجـة آدم الجـانـي

محد يذكر أحد بالخير ... غصب الآدمي .. لامات
تشوف الخلق يطرونه ... مع انه مات وحدانـي

بعض هالناس .. ماتسمع طلال .. وماتجي حفلات
وبعد مامات .. كـلٍ قـال : ياخـي كـان فنانـي

اجل لو مات ( ابو لفه) ( عويد) راعي الكسرات
تصير الناس تتسمع : ( علام الـواد جافانـي ii)

زمان المهزلـه .. قلـي : وشمخبيلنـا عاهـات
دخيلك بس لا يطلع .. بعد شارون : ( فدعاني ii)

/// خلف المشعان///

[مصطفى]

17- صدر الشمالي




يقولـون العـرب صـدر الشمالـي .. مايضيـق بـسـاع
وانــا اقــول الـصـدور الـيـوم .. مـاعــادت شمـالـيـه

بـدت فــي داخـلـي ضيـقـه عـجـزت القالـهـا مـطـلاع
تغيـب . وترجـع .. وترجـع تغيـب ... ومالـهـا نـيـه!!

عمتني كلمة ٍ جتني . وضقت .. وضاق صـدر القـاع
الا يالله لاتـــجـــزى غــشــيـــم ٍ .. قــالــهـــا فـــيّــــه

لـهـو صـفــاع .. يـاربــي .. ولاهـــو لـلـعـرب نـفــاع
بـلانـي وابتـلـى حـالــه ... وبـعــض الـنــاس مبـلـيـه

نهيتـه قبـل هالمـره .. يخـلـي سيـرتـي .. مــا اطــاع
الا يـالـعـنـبـو جـــــد الـقـصــيــد .. ولـعـنــبــو بـــيـــه

ضعيف النفس ( نسونجي ) يشـوف بعينـه االاطبـاع
يحسبـنـي مـثـل ربـعــه .... يـســوق بضـاعـتـه لـيــه

انا اشري .. لابغيت اشري .. ولاني مسـاوم االبيـاع
الـــى مـــن قـالـلـي مـيــه .. عطـيـتـه فـوقـهـا مـيــه

انا اكتب .. لجل من يقرا .. ولاارجي من يقول ابداع
وابـــــد لاتـحـســبــن مــثــلــك يـشـكــلــي اهــمــيــه

تـرى ياهيـه .. لامنـي نويتـك .. بــس اطــق اصـبـاع
يجيـنـي الـــف شـيـطـان ... ووراهـــم الـــف جـنـيـه

أجرك من طـرف حرفـك .. وارد الصـاع ميـة صـاع
جنون القاف ... ارقصها ... على راسـك .. هجائيـه

يويـلـك لـــو تولـيـتـك .. وربـــي .. مـالــك الـشـفـاع
يجيـك مـن القصيـد .. احسـب .. ثلاثمـيـه.. ثلاثمـيـه

ولكـن .. خلـك بحالـك .. مـادام ان الصـدور وســاع
تــــرى لـلـحـيـن مـاضـاقــت ولـسـعـهـا .. شـمـالـيـه


/// خلف المشعان///




18- ضعيف الحرف


رشيق الحرف / والمعنى العميق / وروعة التصوير ّّّّّّّّّّّ...
ربيع الشعر / وشهور الربيع / وريحة أزهاره
:
قصيدي / ياقصيدي / ياقصيدي / ماتبي تفكير
... شف اللي مانكتب فيه .. وتمهل وانظم افكاره
:
بلاش تدوّر .. وعندك .. حـــكاية .. عــمنا تيسير
... تراها .. تنفع .. ويمكن تفوز ... وتقطع الشاره
:
وترى فيها حِكم واجد .. .. ولا يبغالها تفسير ....!!
... .معك واحد خلاص امش وبسيطه تدبر اصفاره
:
حكاية عمنا ..ركـّـز :
( حقيقه ).. نصفها ... ( تــــزوير )..!!
... ولكن نصفها الآخر .. خطير .. !! وتلسعك ناره
:
يقولون الرجل هذا ..... فقير ويشتغل .. كاشير
... معاشه كله( 2000 ) ويقاسط دين سياره
:
وعلى هالحال ذا راضي يحب ايده يقول ابخير
...رضى في قسمته ... واللي كتبه الله .. واختاااره
:
فهمت الحين مدخلها ... ؟؟
تعال .. اعــَـلِّــمـِـك .. شيصــــــــــــــــــير ..!!
... مع اللي كان كاشير .. وتهمه لقمة صغااااره ..
:
بعد احداث سبتمبر .. تعلم .... لهجة التنظير
... ونشب في لوح تاريخ العروبه ... راس مسماره
:
كتب عن صحوة الكذب وكذب واجد وصار كبير
... وبنى من كذبته ( عشرة ابيوت ) .. وعمر عماره
:
تطاول حيل ... واتعدى الحدود .. بحجة التغيير
... وتحول أول بيوته ....أخير .. وماهي بشاره
:
ضعيف الحرف .. والمعنى السخيف .. وشاعرٍ سكير
... خريف الشعر واسقاط الشعور وطيحة أشجاره !


/// خلف المشعان///