موسوعة قصائد الشاعر (( خلف المشعان )) 70 قصيدة

[مصطفى]

41-(-3 /1/2002)
.
.


واحد ـ ثلاثه ـ أربعه ـ خمسه ـ اثنين ...... غلط ـ غلط ـ تعال رتب معايه

اثنين ـ واحد ـ اربعه ـ خمسه ـ الفين ...... بعد غلط ارجع معي من البدايه

طيب ثلاثه / واحد / 2002 ................. أيوه كذا توك عرفت الحكايه

قلت الحكايه ايش ؟؟ قال انت مسكين ...... مالك على بعض السوالف درايه

قلت : اتغلط ؟ قال: العفو ! قلت أجل مين قال : احلف انك ماتسولف ورايه

قلت : انت ناوي شين ؟ أو ناوي ( ن ) زين ؟؟ قال: الله اللي عالمٍ في خفايه

قلت : أنت عندك سر عقل المجانين ......... الله يستر منك قال : انت تايه

تذكر هذاك اللي بنى السور بالصين ؟؟ مثله تراي ابني القصايد بنايه

قلت : انت شاعر ؟ قال : من عشرة سنين ....... قلت : اثبت اللي قلت أو هات آآيه

قال : اسمع ـ اسمع : عين ياليل ياعين ....... يبو عبايه أووووووف يبو عبايه

يبو عبايه ليه ؟ ظنك بنا شين يبو عبايه ليه تكسب خطايه

وصفقتله ....

يوم أنتهى قلت بيتين ........................... تسوالها ديوان واطول روايه


/// خلف المشعان///

[مصطفى]

42--أسير التعاسه
.
.
.

ياقيس ليلى .. كل ليله .. لها قيس
............................ ومع كل قيس .. تعيد نفس السياسه

نفس المشاعر، والغزل ، والاحاسيس
............................ مثل الحصص داخل فصول الدراسه

ياقيس .. ردوا من غلاها ، مفاليس
............................ طعني .. قبل قلبك .. تجيه انتكاسه

ابك انت فارس من ظهر قوم فريس
.............................. ... ماكل بنتٍ تقدر .. اتجيب راسه

يازينك بعيني قبل .. دفش ،، وحنيس
.............................. يومك تشوف ان التغزل .. طفاسه

يوم ان حلمك تشتري .. جيب تطعيس
.............................. .. كانت حياتك .. بين ضحك وناسه

حتى عشقت وصار وضعك لواليس
.............................. ... ولبست ثوبٍ مامقاسك .. مقاسه

ضيعت حالك ، واتعبتك الهواجيس
.............................. وملقبٍ نفسك .. ( أسير التعاسه )

عيرتني في ( كاسة الشاي ) ياقيس
......................... .. لين ابتلاك الله ... وحبيت ( طاسه )

// خلف المشعان//






43--فلم كرتون





إذا هي بس على وزن وقوافي وأربعة أبيات
تعال اجمعلك الأربع مع اربع .. .. واسمع الآااااااتي :


رقم 1 : مثل .. وعر الطريق اللي إلى إيلااااااااات
.ابعقد .. حبل .. معناها .. وحاول .. تفـهم ابياااااااتي


رقم عشره مثل سبعة . بس التسعة ثقافة شات
. ورقم أثنين : تصحيح لخطأ .. تاريخ كـرواااااااااااااتي


ثلاثه . واربعه أحياء تتفلسف عن الجينات
. كريات الدم الحمرا .... قصــــيده من بداياااااااااااااتي


تجي ستة قبل خمسة .. وندخل في رياضيـــات
. جذر ( 9 ) ( 3 ) ضــــــرب أس 2 مـــــــــــولاااااااااتي


وتبدا الخمسه بهمسة ..ولمسه وارتعااااش اصوات
فلم كرتون .. واحلام .. الطفوله .. واستحالاااااااااااااتي


ثمان اللي بقت تعني مشاهد صامته .. وآهاااااات
..... ــــــــــــــ> + 3 ( ) لفراغاااااااااااتي



فهمتوا ليه يااحبابي نبي شعر ٍ يحاكي الذااااااااااات
.لأن الشعر .. مو شوفو .. وخافو من ثقافااااااااااتي


نبي نقرا . أحاسيس .. ومشاعر مانبي ثورات
. توفى كليب والزير وبعدني ... يالثااااااااااااااااااااااراتي

أخيرا ..



أنا واللي خلق سبع الاراضي .. وانزل التوراااااة
إلــــهي. وحده العالم . بصدقي وطـــــــيب نياااااااااتي

/// خلف المشعان///

[مصطفى]

44-نفض الشــليل

قالوا ان البدو مبطي تحـــترم نفض الشــليل
بس انا اشوف الشليل اليوم محدٍِ ينفضه

طالت اقصر خلق ربـــي واندثر طول الطويل
وابتدى ( الحكي المبطن ) بين ناس مغرضـــــه

مانهبلت وضاق صدري لا وربـــي مستحيــل
مير ابكتب هالقصيده دام جتني معـرضـــــــــــــه

من هجوس الشاعر اللي طـــوول عمره مايعيل
غير منهو يبتليه ببعض هرج ويمرضـــــــــــــــه

كني اللي صرت قاتل عند اهل رجلٍ قتيل!!
وين مالدّ بعيونه شاف عينٍ تبغضـــــــــــه

لادليلٍ جا معاي .. ولا مع اخصامي .. دليل ..!!
طاح صبري مانهضته كيف غيري ينهضـــه

لو بشيل بوسط قلبي .. ياجماعه .. وش يشيل ؟
عجعجت فيه العلوج ولازم .. اكتب وانفضـــــه

ياعلوج الشعر .. ( هوّش ) لا كديش ولا أصيل
أو بلاش الشطر هذا ( حسن ذوقي ) يرفضــــه

غيرها ( ارزل ) .. لو بدوّر بس انا ماني رزيل
بارتفع باسلوب شعري لجل ناسٍ تحفظـــــــــــه

خابر اني .. لا زهمته .. جا .. قراحٍ سـلســبيل
والحلا .. يفرض حلاته دون محـدٍ يفرضــــــــه

وان بغيت اقول قلت .. ولا احترمت انظف شليل
دام مافي .. في زمان اليوم رجلٍ ينفضــــــــــه

/// خلف المشعان///-







45---ملااااااااااااك


وش اكبر من كذا شهره وش اكثر من كذا جمهووووور
وش احلـى مـن كــذا ؟؟ طفـلـه بريـئـة .. تحـفـظ ابيـاتـي
: : : :

: تردد وحدها .. ( صدر الشمالي ).. وابتسـم مبهـووور
تلـعـثـم .. تـنـحـرج .. مـنــي .. و تضايـقـهـا ابتسـامـاتـي
: : : :

تقـلـد حـشـرجـة صـوتــي .. ولا ابـالــغ .. كـــذا بـغــرور
تـعــدّ الـبـيــت واتـعـيــده .. عــلــي ... بـنـفــس نـبـراتــي
: : : :

يكـسّـر نطقـهـا وزن القصـيـد .. ولايـجـي مـكـسـور ....!
يسيـل الشعـر مـن فمهـا ... عسـل ... يشبـع طموحـاتـي
: : : :

مـلاك ( الحلـم ) .. لــو يـقـدر .. يـقـوم يقـولـك مشـكـور
. قــســم بالله ينـطـقـهـا .. قــبــل ... تنطـقـبـهـا شـفــاتــي
: : : :

مـلاك ان قلتـلـك مــدري شـقـول .. بذمـتـي مـعـذور ..!!
.............................. ................... .؟
: : : :

بـس اتحـدى فـهـد عـافـت عـلـى ضـيـدان ابــن منـصـور
يحسـون .. الشعـور .. اللـي أحسـه فـي بدايـاتـي .....!!
: : : :

وش احلى من كذا طفلـة .. ؟ تشكـل وحدهـا جمهـور ..!
عطت كـل القصيـد .. أشكـل .. وجتنـي .. تحفـظ ابياتـي

/// خلف المشعان///

[مصطفى]

46- السفيه






مايتبـع علـوم السفيّـه .. بذمتّـي غيـر السفـيـه
يعني على رأي المثل ( اعمى يقوده إمعّـه ) .؟

تبـت يديـن الإمعّـه .. واللـي معـه .. تبّـت يديـه
بوق الدجل ، شيخ الجدل ، والسربه اللي تتبعه

فقيـه علـم البلبـلـه ، بهلولـهـم ، سـعـد الفقـيـه
اللـي يريـد إصلاحـنـا ، اصــل الفـسـاد ومنبـعـه

تحشـم سمـو المملكـه ، عـن مايقـول ويدعيّـه
من يسمع علومه خبل ، لو عـاد فكّـر يسمعـه

والله ولا 100 سـعـد ، يـهـزنـا بـــدري عـلـيـه
مازعزعوا حب ( الوطن ) زمرة فساد مجمعّه

حنا تحت أمر النزيه ، ابن النزيه ، ابـن النزيـه
اللـي بذكـره يحتمـي بـيـت القصـيـد ، ومطلـعـه

لاقال أبـو فيصـل كـذا ، قلنـا كـذا مـن غيـر ليـه
حنـا الزنّـاد اللـي رفـع صـدره لضـمّـة إصبـعـه

ناقف مثل صف الفشـق بالمحـزم اللـي يرتديـه
من لا ارتـدع عـن دارنـا ، أدنـى حدينـا يردعـه

الـدار نخـلـه ، دونـهـا سيفـيـن ياحـضـرة فقـيـه
الشرع ، ثـم ( آل السعـود ) وغيرهـم مانتبعـه

مايتبـع علـوم السفيـه ، بذمتّـي غـيـر السفـيـه
وأنتم مثل قول المثـل ( أعمـى يقـوده امعّـه ).؟

/// خلف المشعان///




47- حارة عبير


مافي جديد الا انها .. صارت مثل حارة عبير
.............................. ... المومس اللي تبترم .. عصم الشوارب حـولها


ماحولها الا بيّها شايب ، ومشلول ، وضرير
.............................. ... من قلة الوالي .. إذن .. تفعل كما يحـلو لها


قَلّت حياها .. وارخصت حسنٍ وهبها الله مثير
.............................. .... من ملعنتها لا مشت ( ترفع طرف مريولها )


من شافها يشهق نفس.. يرجع مع الزفره صفير
.............................. .... ترمي الطيور من السمـا يوم اتخـايل زولها


مثل المها .. لكنها عكس المها .. ماتستذير
.............................. .. كل من يسره طولها .. سهله .. عليه يطولها


ماكنها الا مبخرة وسط المجالس تسـتدير
.............................. ..... استغفر الله عن خطا كلمة .. بغيت اقولها ..!!


يبلغ عدد عشاقها جيشٍ من المرضى غفير
.............................. ...... لفّت عليــهم كلـهم .. ماقصروا .. غنولها


من مصطفى فهمي إلى أن ( صلّعت ) باحمد بدير
.............................. ....... حَسبت نفسي بالحَرَم .. من كثر مالبو لها


لبيه يااحلى ( غندره ) لبيه .. ياالكم القصير
.............................. .... احدٍ فدى شرّابها .. وأحدٍ فدى .. لنعـولها


ول قبح الله من ردت نفسه على شروى ( غبير )
.............................. ..... المومس اللي بينهم .. قامت تدنّ حجــولها



مافي جديد بغيبتي الا انها احسن واخيْر
.............................. ..... من جيةٍ تبحث خفا الصاحين ، قبل خبولها

:

/// خلف المشعان///

[مصطفى]

48-سكته/ شعريه


ولك / يسعد أبو ترثة هلك .. قلي .. وش اكتب فيك ؟؟
..... مادام الشعر .. من فرحة خفوقي .. صابته سكته
:
:
طبيعي .. مثل ماقلبي .. يحرّك نبضته .. طاريك
.... مسار الشعر في حكمك .. تقلّ .. وتكثر حركته
:
:
مثل مااغليك وافرح بك .. بعد يفرح بك ويغـليك
..... لذا أرجوك تستحـمل .. عبط شعري ، وصعلكته
:
:
( فشر ) يئدر .. بشر .. يحكي علينا هيك والا هيك
... شياطين الحكي ، تسكت .. اذا حضْرت ملايكـته
:
:
انا اكره ماعلي اكتب ( غزل ) لكن عشان ارضـيك
.... أبدخل مملكة غيري .. واباخذ .. عرش مملكته
:
:
عشانك بحرق اشباه القصيد .. بصاعـقه .. واسقيك
... زلال الشعر .. في قلبك .. عسى الله يطرح بركته
:
( تفشخر ) شاعرك ( جزل المعاني ) واعتقد يكفيك
....تملّك ( ذوقك الفاخر ) .. وفـ الآخر .. تملّكـته
:
:
لأنك .. تمتلك .. فوق المزايا .. موهبة تكـتيك
... قدرت تصيد لك .. طيرٍ .. يخمّ النقل .. بشبكته
:
:
ولأنك مختلف جداً .. ولا أية شعر .. يغريك
.... زرعت الخوف في ، قلب القصـيد وفعلا اربكته
:
:
ولأنك جيت شاريني .. قبل عرفي لزوم اشريك
.....هلابك بالخفوق اللي من الوحـشه .. تداركته
:
:
أحبك كثر ماودك تعرف .. شكثر افكر فيك ..!!
.... كثر مالنوم من عيني .. على ماقيل ( جمركته )
:
:
أنا من غير مااكتب بك قصايد ، ربنا حـاليك
... معاك الشعر يستسلم قبل .. لااخوض معركته
:
/// خلف المشعان///

[مصطفى]

49- (فـلـسـفـة شــاعـــر )





تموت ( هـل ) وتولـد بخاطـري ( هـل )
وترجـع تـمـوت بـحـل مكـسـورة الـهـاء
:
:
صيـغـة ســؤال ولـلأسـف مـالـهـا حـــل
فرق الامل .. عـن الألـم .. غلطـة امـلاء
:
:
ماتكتـمـل جـمـلـه بـهــا حـــرف مـنـشـل
وشفايدة ( عنـد.. ي ) اذا انشلـت اليـاء
:
:
تـعـبـت امـلّــي هالـقـلـم والـــورق مـــل
تعبـت اصحـح بالخـطـا نـفـس الاخـطـاء
:
:
تـعـبـت ادوّر بالـصـحـاري عـلــى ظـــل
وماتت طموحاتي عطش . مالقت مااااااء
:
:
قـل فلسفـة شـاعـر ، قــل افـكـار مخـتـل
لـو ماعنتلـك شـي تعنيلـي اشيـاااااااااااء
:
:
ولــو يجـبـر المـعـنـى عـلــى قـافـيـة أل
بديتها لك ( شين ) وانهيتها ( رااااااء )



/// خلف المشعان///






(50)

--الطيب مبطي بين شمر وويلان





اكبرخطأ عذرن يجـي بيـن الاخـوان
لاصـرت اخــوي وتعتـذرلـي فشيـلـه
:
عـايـل اذا ضنيتـنـي كـنــت زعـــلان
حيشـاك والله مـا يجـي مـنـك عيـلـه
:
غلطان يومك تعتذر!!ما انت غلطان
مابـي عـدوك مـنـك يشـفـي غليـلـه!
:
ابـك انـت لـو وزنـت قـدرك بمـيـزان
عجـزت موازيـن المحـبـه تشيـلـه!!
:
نسـل الطنايـا مـا يجـي فيـه نقـصـان
النـقـص والله مــن خـطـاة الهبـيـلـه
:
السالـفـه مـاهــي قـصـايـد وقـيـفـان
عشره وعيش وملح ماهـي قليلـه!!
:
اضــرب عـلـى الكـايـد لـيــا بـحــلان
وان عضـيـد ك لاعـدمـت الوسـيـلـه
:
الطيـب مبطـي بـيـن شـمـر وويــلان
حــتــى الـقـبـايـل تعـتـبـرهـم قـبـيـلـه
.
.
.
/// خلف المشعان///

[مصطفى]

51-- ( شفيئ ) ياراجل ( شفيق )




من جيت للدنيا وانـا ( حظـي ) .. مثـل عابـر طريـق
يشّـر ، علـى خـط الـزمـن .. عــل الليـالـي ، تنقـلـه


صابر على مـر التعـب .. كرمـال عينـك .. يالرحيـق
.يطيح صبري ( واشقله ).. وايطيح وارجع واشقله


يضيق صدري ( بالعَجَـل ) واقـول صـدري مايضيـق
استـثـقـل انـــي انـهــزم وآخـــذ مـــن الـهــم اثـقـلـه


ومـع كـل هـذا .. بسمتـي مافارقـت عـيـن الصـديـق
. واللي يعرقل بسمتي .. أضحك .. عشـان اعرقلـه


ماعـرف اكـون الا كــذا صــادق ولا احــب البـريـق
مثـلـي مـثـل أيــة بـشـر. بالـصـيـف. يـرفــع منـقـلـه


مااحب امثّل مثلهم .. ( شفيـئ ) ياراجـل ( شفيـق )
ولا حب اسـوي بالشعـر حشـوة حكـي ( مستعقلـه )


اللـي اعـرف انـي اجـي .. واشعلـل الساحـه حريـق
وانـي حكيـم بفطـرتـي واكـتـب مــن الشـعـر اعقـلـه


( سطحي ) الى حد السما .. واضح ولا لي بالعميق
الـلـي تـحـت قــاع البـحـر والـمــوج فـوقــه يـرقـلـه


ماهمنـي كـثـر الـفـرق حـولـي وانــا وحــدي فـريـق
أحـــب خـــط المـسـطـره واكـــره مـســار المـنـقـلـه
.
.
.
/// خلف المشعان///






52- ما علي اخلاف
: : : :
أنا يوم استوى حرفي على صهوة خيال القاف
.... ترجّل شايلٍ سيف المعاني وحربة افكاري
:
جدع ليل السهر صبح وعسف بيت القصيد عساف
...... نشف ريق القلم خوف وتبعثر دفتر اشعاري
:
نفث بين السطور آآآه وغدى صدر الورق شفاف
...... شرب دم السؤال اللي طعني كيفها اخباري
:
الا ياناشدِ عني بخير وماعلي خــــــــلاف
.. جوابٍ يشرق بحلقي إلى من جـــالــها طــاري
:
تلوج الدمعه بعيني .. تجي حد البكا تنشاف
..... واحاول اكتم الواقع وانا في حالتي داري ..
:
انا واللي خلق سبع الاراضي وانزل الاعراف
...... قوي ايمان لكني عصيت وحــــبـــها نــاري .
:
الا ياحرف لا تسكت اذا بعض الحكي خواااااااف
... وابد لايشغلك نزف الجروح وصاحـبك ضاااري
:
الا ياحرف لامنك وصلت لخااااانة الآلآفـــ.
.. ترى ماينفع ( الواحد ) إلى من ضاعت اصفاري

.
.
.
/// خلف المشعان///

[B-happy]

موفق بالطرح
بوركت على جهودك اخ مصطفى
تحياتي لك