عالم الأنترنت ( الشبكة العنكبوتية )

[فتحي عيسي]

عالم غريب عجيب كل حاجه فيه ممكنه
فى المكسب تلاقيه وف الخساره
معندوش أى مشكله
يعلمك أيوه إلى ما لا نهايه
يفيدك أيوه فوق الفايدة وفوق كل شطارة
يضيعك أيوة ويبيعك أجدعها عمارة
يعرفك أيوة مداخل كل حارة
يتوهك أيوة ويسيبك تخلص أدامه زى سيجارة
عالم ساحر بمعنى الكلمة كنز من كنوز الدنيا الحديثة
في ناس بتعرفله أووى لإنها هى اللى عملتة صنعتة بإيديها
بتعرف توصل بيه لأبعد من خيالك
بتحرك الكون بيه وبتوصل لأدق تفصيلة بعينيه
ناس بتفكر بيه وليه بتستخدمه فى صنوف حياتها
وفى كل لحظة بتضيف عليه وف كل يوم بتغذية
مش زينا بنلعب بيه
بنتسلى مع الوانه وبندور علينا فيه
سكتنا ليه معروفة كام شارع من بلاويه
معظمنا داخل لمزاجه من كبت فرقعله عينيه
فاتح شاتة على ذاتة مستنى اللى يعديه
معندوش مانع لو طلع اللى بيكلمه صايع وباع هدومه عليه
المهم يسليه
ومين شايف بعينيه كلام طالع من جحر لجحر ياعالم بيه
ولا المتنديات عالم الملكات والنحل الداير فيه
على كل لون يا باطيسطة هتلاقوا فيه
الشايع والمايع والوالع والضايع والجايع واللى هربان من
كل مكان كان فيه
بالاسم الخالى من المعنى والخارج عن حدود اراضيه
متخفى وراه وداخل يفرش حصيره عليه
عجبه الحال ارتاح ومدد رجليه معجبوش فاته وراح يلاقيه
وفيه عالم تانية أنضف مالصينى بعد غسيله
داخلين والنية الحلوة سابقة خطوتهم والطيبة جابينها معاهم
من بيتهم ميتهم بيضا مش متعكرة
دول بقى ياخوفى عليهم
عالم المنتديات
عالم مفتوح ممكن يكون بوابة عمرك
لمستقبل رائع بينمى فيك موهبتك
بيديها الامل بيعرفك قدراتك
استعدادك أدواتك
أستقبال الناس لمجهودك إيه
وممكن يهدك لو مشيت ورا
إيه ولا إيه ولا إية
ربنا يدينا خيره
ويكفينا شر بلاوية
فتحى عيسى

[روح.,]

هذا هو الانترنت بكل تفاصيله
أجدت الوصف أخي
بارك الله بك وبقلمك

[صائد الأفكار]

مشكور على الوصف الرائع
يعطيك العافية

[صائد الأفكار]

اشكرك على الوصف ، كتبت فاجدت
صائد

[ميارى]

على رأيك أخي ربنا يدينا خيرو ويكفينا شر بلاويه ...عالم صاخب فعلا وسلاح دو حدين ، نحتاج بالتاكيد لبوصلة من نوع خاص حتى نبحر فيه بأمان
احترامي وتقديري لك

[فتحي عيسي]

اقتباس : المشاركة الأصلية كتبت بواسطة عاشق بلا أمل [ مشاهدة المشاركة ]

هذا هو الانترنت بكل تفاصيله أجدت الوصف أخي بارك الله بك وبقلمك

شكرا اخي الفاضل علي تشريفك
الكريم وتواصلك الغالي
بارك الله فيك
مودتي واحترامي

[فتحي عيسي]

اقتباس : المشاركة الأصلية كتبت بواسطة دونجوان الحارة [ مشاهدة المشاركة ]

مشكور على الوصف الرائع يعطيك العافية

شكرا اخي الفاضل علي تشريفك
الكريم وتواصلك الغالي
بارك الله فيك
مودتي واحترامي

[فتحي عيسي]

اقتباس : المشاركة الأصلية كتبت بواسطة صائد الأفكار [ مشاهدة المشاركة ]

اشكرك على الوصف ، كتبت فاجدت صائد

شكرا اخي الفاضل
بارك الله فيك
مودتي واحترامي

[فتحي عيسي]

اقتباس : المشاركة الأصلية كتبت بواسطة ميارى [ مشاهدة المشاركة ]

على رأيك أخي ربنا يدينا خيرو ويكفينا شر بلاويه ...عالم صاخب فعلا وسلاح دو حدين ، نحتاج بالتاكيد لبوصلة من نوع خاص حتى نبحر فيه بأمان احترامي وتقديري لك

شكرا الاخت الفاضلة مياري
علي تشريفك الغالي
وتواصلك الكريم
بارك الله فيكي
مودتي واحترامي

[غيداء]

النت فيه الخير والشر ..

كمن يكون عنده كأس عسل وكأس خمر ...

اللهم ابعد عنا شره ...

شاكره لك اخى فتحى طرحك للموضوع