ثرثرات وفاء

[أرب جمـال]

باين على الموضوع ثرثرة نسوان ههههههههههه مش شايفة رجال يثرثر معنا الا ابو جمال
بس بقرأوا
تيجي نكتب بالحبر السري ههههههههههههههههه

[وفاء بنت غزة]

ههههههههههههه
وانا مالي ما هي الثرثرة انخلقت للنسوان
اصلا
اما اخي ابو جمال فهو ضيف شرف
اعتز بحضوره دوما في كل مواضيعي
اما عن الحبر السري
لا بنكتب من تحت الطاولة
ههههههههه
نورت
والف قلبه لروحك الحلوه دوما
اختي الغالية

[وفاء بنت غزة]

شكرا لك اختي ام محمود اجا بوقته مشان العيدية
اغلب النسوان الان عاملات قائمة مشتريات ومشاريع مؤجلة برهن العيدية
اما عني انا فقد صرفتها على اعتبار ما سيكون
اكيد بدكم تعرفو
لا مو جلباب ولا خاتم ولا شي من الي بالكم
كل القصة فصلت طاولة رخام سفرة للمطبخ
وعم انتظر الكراسي بميزانية جديده
ههههههههه

[الامير الشهابي]

هل الماضي يعود ثانيه ..ولو لثانيه
أوعي تقول سرك ..خليه في بير
وبير حبله مقطوع ..ودلوه مخزوق
علشان ماحدن يعبي لو معه حبل
المي ترجع للبير ويبقى سرك في البير
صدقت القصه من ست الحبايب وأنا صغنون
كنت لما روح الضيعه أسرق نفسي لطل في
البير ..كنت بدور على السر ..وأسأل البير
مين رمى سري فيك يابير ..صوت الصدى فزعني
آه من البير والسر يلي خلى حياتي شكل تاني

[وفاء بنت غزة]

اقتباس : المشاركة الأصلية كتبت بواسطة الامير الشهابي [ مشاهدة المشاركة ]

هل الماضي يعود ثانيه ..ولو لثانيه أوعي تقول سرك ..خليه في بير وبير حبله مقطوع ..ودلوه مخزوق علشان ماحدن يعبي لو معه حبل المي ترجع للبير ويبقى سرك في البير صدقت القصه من ست الحبايب وأنا صغنون كنت لما روح الضيعه أسرق نفسي لطل في البير ..كنت بدور على السر ..وأسأل البير مين رمى سري فيك يابير ..صوت الصدى فزعني آه من البير والسر يلي خلى حياتي شكل تاني

للاسف اخي ما عاد في بير هاي الايام
المي صارت شحيه
والبير عم يكشف اسرارو لحالو
او ان هناك ايدي خفية تفتح البير ولا تترك سر كبير ولا صغير
ما عاد في امان
حتى لو حكى الواحد منا بعبو متل ما بحكوها
وكم نتمنى لو ما نسمع اسرار
لحتى نظل بعاد كل البعد عن الشبهات
مروركم اسعدني اخي
وقد تكون هنا مساحة للثرثرة التي لا تعتبر سرا على احد
اشكر مروركم العطر دوما

[وفاء بنت غزة]

عيد لحم
هيك كنا نسمعها زمان
كل ما طلبنا شغلة للعيد
ملابس...............حلو..................كعك...... ............حتى العيدية
عيد لحم هذا
اقنعونا اهلنا بها
وبات حقيقة حتى كبرنا
لكنها على ما يبدو كذبه
وكذبه مسموحة لاجل عيون الفقر لا التوفير
ويبدو اني كبرت ووسط هذا الكم الهائل من المتطلبات
ووسط غلااااااااااااااااء الاسعار وفوضى السوق
علي استعمالها الآن
عيد لحم يا اولاد
وكل اضحية وانتم بخير
مش بيكفي دبرنا ثمن الاضحية
هههههههههه
يا رب يقتنعووووووووووووووووو

[نور الربيع]

لليوم لما بدنا نتهرب من اولادنا بقلهم عيد لحم

لازم يقتنعو غصب عنها مو كيفهم لانه لحم عيد هههههههه

[نور الربيع]

ماما ايمت بدى اصير كبير زى بابا وانا اجيب خروف العيد

واذبحة اروح عملتى وخالاتى عيدهم

اه يا مااما ان شاء الله بتصير كبير






انا في عقل بالي بقول شو بدك بالهم هم تصير كبير
خليك صغير احسن لك عيش طفولته
اللى مالها علاقة بالطفولة

وفاء انا ما بعرف ثررر كتير بس كرمالك حبيبتى راح صير ثرثره

[وفاء بنت غزة]

ثرثري يا احلى نور ولا يهمك
بحكو عنا لوما جارتي كان فقعت مرارتي
وانا بحكي لوما المنتدى كان طقينا من القهر
هون لا نميمة ولا غيبة والي بدو يسىء الظن مسامحينوووووووووووو

[وفاء بنت غزة]

صدفه ومن غير ميعاد انهيت مكالمتي مع نور الربيع
وخرجت للسوق مع ابو العيال
المهم افترقنا عند احد المربعات في السوق هو ذهب لمشاويره
وانا كالعادة حبيت اعرف شو في جديد
دخلت محل وخرجت منه
على عجل لاصوات في الشارع
حادث تصادم سيارتين
قلبي اخذ بالخفقان
وهرعت للمكان
ست بتسوق سيارة اصتدمت بسيارة مع انو الاولويه لها
قسما اني لمحت صورتها قبل ان اراها
تؤم روحي وحبيبتي متل اختي واكثر
م...... وجدتها مسمرة في السيارة واخينا شايط غضب وبدو يفتح كروكا
وفاتح ثموووووووووو على وسعوووووووو وهو المحقوق
كانت وحيدة ولم تنزل من السيارة
لاننا مجتمع ذكوري كل امة محمد والمسيح اجتمعت ع السيارة وسط السوق
وجدت نفسي اخترق الجميع بدون خجل ولا خوف ولا احساس بنفسي
فتحت باب السيارة
وكأني عجوز في الثمانين
اسم الله عليك
الحمد لله على السلامة
يفتح ستين كروكا
او حتى يفتح خزنة فرعون
المهم لا تخافي وانتي وهو بخير
الماء معي في حقيبتي شربتها ماء
خصوصا انها حين رأتني لم تصدق
اني هنا معها كما هي دوما معي وقت الحاجة وبالصدفه
احتضنتها بشوقي لها فلم اراها منذ فترة وكنت استعد لشرب القهوة معها يوما في ادارتها الجديدة
ياااااااااااااااااه
قالت ما همني الحادث بقدر ما اسعدني وجودك وقت حاجتي لك واني كنت افكر فيك قبل لحظات
دمعت عيني ولملمت مشاعري التي لطالما اشتاقت للحظات الفرح في العمل معها
احبها قسما اني احبها
فهي قلبي النابض وروحي الصادقة
واختي التي لم تلدها امي
كانت صائمة.............مرهقة من الدوام.............استشعرت وحدتها
لكنها دوما كالجبال لا يهزها الريح
الان
اقول حمدا لله على سلامتك ام المعتز بالله
وشكرا لله اني كنت معك في التو واللحظة
احبك أخيتي