إشراقات يوم جديد ( مساحة للخبرمفتوحه للجميع )

[وفاء بنت غزة]

http://hmf.ke-pens.com/wp-content/up..._n-209x300.jpg

من قلب الحدث نرسل لكم تحياتنا
بنخبركم انو
الكنافه كثيرة بس مد ايدك وتفضل
والقهوة السادة موسمها هل ويا محلى قهوة الشيوخ
وكمان المواصلات بكرة مجانا
بس دخيلك روح صوت
والنساء حاملات كروت المرشحين وصار عنا البوم صور في الدار
لناس ما شفنا من خيرهم شي لا سابق ويمكن لا لاحق
كان زمان الناس عندها فزعه للمرشح مجانا
ليوم للقضاء على البطاله تعال وانقل ناس وخذ فلوس
علق على سيارتك يافطة او صورة مرشح وما رح ننساك
يا جماعة
تعبنا ونحنا بنحكي
لا تحرجونا والله صوتنا مبحووووووووووووووووووح وما بنصوت
احنا بس بنصوت على امواتنا
بس يمكن نصوت لما ترجع فلسطين
معنويا
الله يوليها الصالح على رأي كبارنا
مني انا
وفاء
يا رب تعدي يوم بكرة بعرس وطني حقيقي للاردن ويكفينا شر المندسين
والي ما بحبو الخير للاردن
يدوووووووووووم عزك يا اردن
ويدوم امنك ونظل بخير فيك
نيال الي افترش ارضك وتلحف بسماك
من قلبي
كل التوفيق لمسيرة البناء والاصلاح
وفاء

[أرب جمـال]

مساء الاشراقات والعرس الوطني
كل واحد بكرة يحطاط من هوشة بين الناخبين وين في تجمع يبعد عنه
انا هذه المرة الرابعة بشترك بالانتخابات كمدخلة بيانات والله الله على التحايل اللي بصير ومحاولة تغيير الناخبة للبسها ومكايجها وزيها مرة بتيجي منقبة ومرة بلا .. ومرة بتيجي على صندوقي ببطاقة وبتروح على الصندوق الثاني ببطاقة ثانية ..
ويا ويلنا اذا وقفنا بوجههم ويا ويل سياراتنا شو بصير فيها
الله يمضي النهار على خير
بس سؤال محيرني طول الوقت .. هذه الالوف واحيانا الملايين من وين اجت للناخب؟؟ وخاصة اللي بترشح كل دورة !!
مساء الاخترااقات التي سنشاهدها غدا
زمان لما كنت اشوف تلاعب كنت اسكت لكن هل مرة ما رح اسكت وان غبت عنكم اعرفوا اني تصاوبت ههههههههههههههههه
نشوفكم بكرة مساءا على خير ويسعد اوقاتكم

[الامير الشهابي]

صباح وطن أشرق بالعز على ساكنيه
بيوم الأرادة هنا تتجلى وقفة ضمائركم
اليوم هو يوم الشرفاء الذين يقولون الأردن أولا وفوق الجميع
نبدأ من صباح الوطن لنرى العلم مرسوما فوق روابي أردن الأخاء وفوق القلوب
مراسلونا إنتشروا في كل مكان معاهم كاميرات خفيه وستكون عيونهم في الصناديق


ولا هيك أجمل

العضوه المراسله وفاء كتبت إفتتاحية الأستحقاق الوطني بروعتها
العضوة أرب جمال من قلب الحدث ستكون هناك عين على الحقيقه
ونحنا عيوننا معاكي على السيارات ومعانا دركي ويلي بدو يقرب من المشرفين
الكنافة جاهزة في المخفر بتحلى وبتحلى
تابعوا موقع جلالة العاهل الأردني لو أردتم
King Abdullah II Official Website - King Of The Hashemite Kingdom Of Jordan
سلمتم على هذه الافتتاحية الرائعه بروعتكم
لمزيد من أخبار الساحه ..الانتخابيه
كونوا معنا

[وفاء بنت غزة]

http://hmf.ke-pens.com/wp-content/up..._n-209x300.jpg
http://www.lawjo.net/vb/attachment.p...9&d=1338115911
يسعد صباحكم في هذا اليوم المشرق
المبشر بالخير
على الاردن وناسو
من قلب الحدث نهفات مرشحين
اليوم
التنافس على اوجو في نقل الناخبين
توافدت الباصات والسيارت الى مخيمنا لنقل الناخبين
محسبوبتكم وفاء لا نقل لها لان لا صوت لها
بس من المشاهد
جاء احد المرشحين لنقل الناخبين
فقاموا بطرد باصاته وسيارته لانهم يأزرون غيره وخرج خالي اليدين
اما المرشح الاخر
جاء مع باصاته ووقف وحمل بكل عين قوية لان له قاعده هنا
الان يقسم الناس عندنا قسمين
منظر حلو كثير
امام بيتي
تتجمع السيارات حول المدرسة التي يجري بها الاقتراع
بكل هدواء وروح وطنية
اعلام وصور واغاني وطنيه
ونساء بالزي الاردني
والله انه لعرس
انا اجلس بشرفتي واحتسي قهوتي
واغني
فدوى لعيونك يا اردن
ما نهاب الموت حنا
وكماااااااااااااااان
وطنا بخير يا محلى وطنا
اردن يا عيد يا بستان النا
مبرووووووووووووووووووك للوطن واهل الوطن الشرفاء هذا العيد
وزغرودة وطن وغطوني لما تطلع النتائج

[الامير الشهابي]

مسا الخير للكل
كاميرا المراسله وفاء كانت حاضره
وصور يامصور
رائعه ياوفاء بجد على نقل المشهد
وسوف نستمر في المتابعه المهم مايكون خناقات
لكم محبتي وتقديري ..
وبقول مع وفاء مبروووووووك
وزغلوطه للي بنجح ويبعث الكنافه بطرد معنون ماعليه جمارك

[وفاء بنت غزة]

http://hmf.ke-pens.com/wp-content/up..._n-209x300.jpg

مساء الوطن ومش اي وطن اليوم
مساء الاردن بكل ما فيه
مساء صادق من قلوب صادقة تعشق الاردن
لانه وطن الاوفياء...........لانه المضياف..........لانه غصن الزيتون في كل الاوقات
لانه الدفء............لانه يعني لمن يحبه الكثير وانا منهم
اانتهى يوم العرس الوطني وننتظر البشرى بالنجاح
كان احلى ما في العرس الوطني
الكل استفاد
بياع الحلويات اشتغل وحلانااااااااااااااااا
وتاجر القماش استفاد وما ظل قماش ابيض ..............وبياع الخشب نفق كل الخشبات الي ع السدة لليافطات افرحو يا طلاب المدارس فش عصي
والخطاطين ملو جيابهم وبياعين الدهانات نفقو كل الالوان ومظلش لاخونا شريف اللوان يخربش فيها
والقهوة السادة كانت سيدة المواقف سخان رايح وسخان جاي
ما ظل حطب لانو كلو اتولع ببيوت المرشحين دفا وعفا ولمة شباب يابا
ام العبد فرحانه وعينها على كل اليافطات بدها تعملهم قوالب فرشات ومخدات بدها تجوز الولد
وام علي بتزغرت ليش؟؟؟؟؟؟؟
بنتها نزلت للبرلمان وما خذلوها ولاد العم
كلهم على السيارات بالخط العريض
ابشري بالفزعه يا بنت العم
اليوم كان هادىء وجميل كلو حركه وفي الحركه بركه
جارتنا ما قبلت تطلع للتصويت الا في وقت متأخر ليش يا جارة؟؟
اسكتن بلكي صوتي هو يلي يسند حظ المرشح
وفاء من قلب الحدث بدهاش تطووووووووووووول عليكم بلاش ثقلة دم
بس الموضوع مبين من عنونه الكل يشيد بسرعه الاجراءات وسهولتها ودقتها ونزاهتها
كل الشكر للقائمين عليها ونتمنى ان يستمر هذا العطاء المميز الى الاخر وهذا ما نتوقعه
لننتظر النتائج والله يستر ويدوم عزك يا اردن العز والفخار ومبروووووووووووووووووووووك سلفا لنشامى ونشميات الاردن وسيثبتون بانهم على قدر اهل العزم ان شاء الله

[الامير الشهابي]

يوم الفرح بثوب الفرح
المراسله وفاء مازالت مستمره في تقاريرها
وأهم ماورد في التقرير فرحة الاولاد بأنو مافي
عصي ..بس سمعنا أن بعض الاساتذه مخبيين عصي
للي بدخنوا وبس ..
هاي أول نتيجه مفرحه
يعني ولاعصاي بقيت ..
يسلموا وفاء من آلاخر إنت اليوم لوكيشن كامل
تحية وفاء لكل الجهود الخيره

[الامير الشهابي]

صباح الأشراقات
صباح عطر على كل محبي الكلمة
مراسلونا رصدوا حضور العضو السهم المصري
نقدم من إشراقات باقة حب وترحيب بعودة قلم مميز للمنتدى
مع ثقتنا أنه لم يغب عنه ولاعنا
شو صار ياجماعه كاحدن بعت كنافه شو راحت وين حصتنا
مبروووووووووك للناجح
الناجح يرفع إيدو

[السهم المصري]

اقتباس : المشاركة الأصلية كتبت بواسطة الامير الشهابي [ مشاهدة المشاركة ]

صباح الأشراقات صباح عطر على كل محبي الكلمة مراسلونا رصدوا حضور العضو السهم المصري نقدم من إشراقات باقة حب وترحيب بعودة قلم مميز للمنتدى مع ثقتنا أنه لم يغب عنه ولاعنا شو صار ياجماعه ماحدن بعت كنافه شو راحت وين حصتنا مبروووووووووك للناجح الناجح يرفع إيدو

يسعد أيامكم ولياليكم
وشكرا لك أخي الأمير
وقلوبنا مع شريف التميمي
تحياتي

[الامير الشهابي]

مسا الأشراقات