من زوجة الى زوجها مع التحفظ

[وفاء بنت غزة]

الى شريك حياتي مساك عواصف وزوابع واعاصير خير ان شاء الله
بخصوص الهدايا وهالدرس مهم جدا يا كبير احفظه عن ظهر قلب
اذا ذكرتلك اسم محل او ماركة او شغلة معينة اكتر من مرة بكون بدي اياك
تجيبلي هدية من هناك مش اني بعملهم دعاية مجانية عن روح امواتهم

لمّا اتروح تجيبلي هدية اوعى تستشير فيها امك وخواتك لأنهم اكيد بيغارن مني وراح يختارن اشي مش حلو وانت الي تورط معي

واوعى تستشير امي وخواتي لأنهم راح يلمعن حالهم قدامكم على حسابي ويختارن اشي رخيص عشان ما يحملوك عبء مالي كبير
اختارها انت وانت كريم واحنا بنستاهل وتقلقش راح ابقى معطيك كتير اشارات شو الي بدي اياه
واذا لسا محتار وروحت على محل وكان البياع زلمة ختيار مش صاحب المحل اياك
ثم اياك تستشيره شو الهدية المناسبة لأنه راح يخرط ويرجعك لأيام سي سيد
وانو النسوان ما بتنعطى هدايا والا بيتنمردن وبالتالي ممكن يأثر على
اختيارك للهدية وبرجع وبذكرك هو بداره انا مش طايله انت الي حتورط معي

واذا كان البياع شب متجوز فراح يكون قرفان النسوان ويقرفك من اشي اسمه انثى على وجه الارض وهو اتلاقيه "بس اي هر بالعربي او قط " بداره وبيقدرش يقول تلت التلاتة قديش ! المهم بيلزمناش لأنو راح ينكد عليك وتختار اي اشي هدية

واذا كانت البياعة بنت مش متجوزة ما تسألها لأنها راح تعطيك خيارات مش حلوة
وهي بعقلها اتقول هالحليوة هاد اتلاقي الي عنده خميس وجاي يشتريلها هدية
ايييييييييييييه ارزاق حتى لو كانت هي خميس

اما اذا كان البياع شب صاحب المحل فأكيد ثق برأيه لأنو راح يحاول يبيعك
احسن وأغلى اشي بالمحل ويعمل ربح على ضهرك بس مش مهم اذا انا الكسبانة
بالاخير



يعني من الاخر انتبه واحذر من كل الفئات الي ممكن اتأثر باختيارك لهديتي لأنهم كلهم ايدهم بالمي


وبس اتجيب الهدية اذا قولتلك شكرا حلوة معناها بتجري وبتجيب غيرها ما عجبتني ونهارك كحلي
اذا قولتلك يااي بتجنن بعطيك مهلة لتاني يوم اتجيب غيرها لأنها عاجبتني نص عجبة

اما اذا صرت زي هاد
معناها انت احسن واحد بالعالم وحافظ ذوقي وقاريء افكاري منيح شكرا كتير يا
كبير نردلك اياها بالأفراح روح اتريح وفكّر بالمناسبة القادمة شو الهدية
والله الموفق

رفعت الجلسة
راقت لي فلطشتها

[بصيرة الأعمى]

ههه
الله يكون بعونه لا أكثر..
يسعد صباحك
وصباح كل اللي ناويين على هيك هدية!!
رائعة دوما
محبتي مع التحية
بصيرة

[shreeata]

ههههههههههههههههههههه
يسعد صباحك
ياربي بكل الخير وفاء
جميلة جدا وخاصة انك
لطشتيها
تحيات لك

[وفاء بنت غزة]

عم بشوف اخي شريف داخل ع الموضوع يا بصيرة الله يستر

[بصيرة الأعمى]

ههه
لا لا يا وفاء
الأخ شريف من النوع اللي بيشتري الهدية يوميا
او بالمعنى الأصح بيشتري مثل ابعد عن الشر وغنيله!!
ههه
يا رب السعادة للجميع على طول يا رب

[وفاء بنت غزة]

اقتباس : المشاركة الأصلية كتبت بواسطة بصيرة الأعمى [ مشاهدة المشاركة ]

ههه لا لا يا وفاء الأخ شريف من النوع اللي بيشتري الهدية يوميا او بالمعنى الأصح بيشتري مثل ابعد عن الشر وغنيله!! ههه يا رب السعادة للجميع على طول يا رب

من كل احلى الامنيات لكل الاسر والعائلات هنا وهناك وفي كل مكان
ولك انت مستقبلا احلى شريك حياة يهديك فنجان قهوة صباحي مع وردة
مو متل جيلنا هالايام
ههههههههه

[بصيرة الأعمى]

تسلمي يا وفاء
ربنا يخليكي يا رب
وربنا يبارك بجيلكم
انتو الخير والبركة
تحياتي
بصيرة

[المفتش كرمبو]

تحياتى اختى الغالية

معقول هيك بتعمل الهدية
انا مابشترى هدية
لانى بخيل

[B-happy]

واذا كانت البياعة بنت مش متجوزة ما تسألها لأنها راح تعطيك خيارات مش حلوة
وهي بعقلها اتقول هالحليوة هاد اتلاقي الي عنده خميس وجاي يشتريلها هدية
ايييييييييييييه ارزاق حتى لو كانت هي خميس
ههههههههههههههههه
صباح الهدايا واللطش الحلو
تسلم وفاء الغالية

[وفاء بنت غزة]

اقتباس : المشاركة الأصلية كتبت بواسطة بصيرة الأعمى [ مشاهدة المشاركة ]

تسلمي يا وفاء ربنا يخليكي يا رب وربنا يبارك بجيلكم انتو الخير والبركة تحياتي بصيرة

نورت يا حياتي