نائل المظفر قصيدة يحبك كلشي بية

أرب جمـال · 22 - 2 - 2010, 09:03 PM

نائل المظفر قصيدة يحبك كلشي بية

يحبك كلشي بيه او كلشي احب بيك
او ما اكدر اعوفك موبدية
تمدنه الروح حبه وطب الاجساد
وحس خلت خلية تحب خلية
ما اخاف اعله روحي وانه بالجيش
اخافاً لاتخاف انته عليه
تمر بيه الشضية او امسح النار
وكول الفات خدك مو شظية
ما اكدر ابد اتنكب سلاح
احس مثل الخيانة بهالقضية
لان بس انته نايم فوك الجتاف
او صعب تاخذ مكانك بندقية
سر الليل كل ما حفظة انساه
وحتارت الوادم كلهة بية
لحد ماصار اسمك انته بهواي
سر الليل ثابت بالسرية
وتريد تعوفني ياسري وتروح
انه بلياك شيطفي اشتياقي
ارسمك عالورق ما اكدر شلون
ابياض الورق وجهك والله راقي
وحس انه غريب ابديره اجناب
واحس انه الوطن وانته العراقي
وحساً يوم تسريحي من الاكيك
وفراكك اشد من التحاقي

أبو يقين الكعبي · 7 - 4 - 2010, 02:34 AM

(( سنه وصدك يضوك الروح لوعات
ويكمل لي الجروح اجروح ويزيد
واقول اشوالف السرحان والشاة
اعله سكه وصافحاه الايد بالايد
الك كانت يحلو الطول جيات
شعجب تبخل علينا بجيت العيد ))
<<<<<<<<<<<<<<<<<<<<<<<<<
رائعه هي اختياراتك ارب..
لك تقديري واحترامي
حسين...