همســات مسافرة ..

**بائع الورد** · 29 - 6 - 2011, 05:48 PM

في زمانك محد يشيل همك

لاحبيبك لا أخوك لا رفيقك

ماتهم اللي يهمك

لوبغيت تعيش صح

صل فرضك وأقضب أرضك

وخلها للي عيونه ماتنام ونام

**بائع الورد** · 29 - 6 - 2011, 05:50 PM

عَلَى لحَظَة أمَلْ صَابِر و لكِّن الأمَلْ مَا كَانْ

مَات الحِلِمْ فِيْ قَلْبِي و ضَاعَتْ كِل عَنَاوينِي

رِسَمْت البَسمَة بِعينِي ولَكِن دَمْعَهَا خَوّانْ

بِكَيتْ و سَالَتْ الدَمْعَةْ و حَزِينَه صَارَتْ سْنِينِي

أنَا و اليأسْ و الحِيْرَة تَخَاوينَا و صِرْنَا أخْوانْ

أخَافْ أمُوتْ مِنْ هَمّي و لوعَاتِي تْخَاوينِي

**بائع الورد** · 29 - 6 - 2011, 05:51 PM

الضحك ماهو علامة مستريح
والبكى احيان مايوحي بحزن
خذ مثل مني انا قلبي جريح
وابتسملك من غرابيل وشجن
وان بكيت يجوز ابكي من صحيح
من جرح,من ظلم ,من صدمة زمن
او يجوز ابكي على شان استريح
او نتيجة شوق او حزن وندم