مقهى على البال..

[جمال جرار]

مراحب للجميع
بكرة في سهرة يعني
انتظروني لاني اليوم مستعجل وعندي دراسة
حبيت اميل على المقهى اتفقده ولقيته عامر بالحبايب
الله يجمعنا على الخير وما يفرقنا
تحية محبة لكم جميعا
لا تنسوا النشمي راجع بغذن الله

[shreeata]

صباح الورد لكل عشاق الورد
صباحكم برائحة فنجان قهوة مزج بعبير الورد ودخان الاحلام
التي تشكل منا جميعا غيوم لتهطل مطرا
برائحة الوطن
كم رائع ضجيج هذا المقهى من انتصارات اكتوبر
لصمود الاسرى في سجنون الاحتلال
لضوضاء فيروز في صوتها
الاخذنا نحو السمو
صباحك بكل الوان قوس قزح احبائي

[الامير الشهابي]

الف مسا
لأهل التماسي
الشكر من القلب لخينا شوقي هيدي المشاركات الرائعه
يبارك فيك دوم أنت عروبي
وشريف الله يمسيك بالخير
ولكل يلي حضروا
وللي ما نسيوا أسرانا
وللي قروا الفاتحه على شهداء العبور من أبطال
العروبه في مصر وسوريا
6/10/2011
يوم تاريخي

[المُنـى]

مساء الخير لرواد المقهى ومساء الخير خاصة للشاعر الكبير شوقي وذكرياته عن العبور
مساء الخير لسمو الامير الشهابي الذي جعل ذاكرته سجلا لكل الاحداث
الفاتحة على ارواح شهداء العبور

[الامير الشهابي]

الأخت الغاليه المنى
ميرسي على الاطلاله الحلوه للمقهى
أكيد بدك ضيافه
بس تمنى شو بدك
أكيد شى حرزان
نحنا منعنا التدخين والشيشه الليله
بس عنا كل شى بحبو قلبك
عصير ألانتصار
عصير العبور
عصير كوكتيل عربي
ومعلش نحنا مابدينا السهره والاحتفاليه
البعض عندو شوية إرتباطات
بس اكيد راح يطلو
ياهلا بيك وبحضورك البهي
أنا ألليله رئيس بس مورئيس عن جد
رئيس هيئة ألاستقبال للاحبه
وموجود لعيونكم
6/10/2011
يوم تاريخي

[زمان الصمت]

تحية خاصة فقط لكل مواطن مصري حر وللشاعر شوقي غنيم والف شكر ليه على هذه الذكريات الجميلة
وكل ذكرى وانت بخير
توقعاتي انه يكون الاحتفال بهذه الذكرى اوسع واكبر ولكن ما علينا كفيت وفيت والدنا الفاضل والله لا يحرمنا من مذكراتك وستبقى مسجلة للتاريه على هذه الصفحة
الامير الشهابي
انا ما متفاءلة ان حد يطل واراهن على ذلك بيكفينا طلتك والشاعر شوقي
وانا بريد عصير كمان مع المنى
تحيااااااااااا مصر

[أرب جمـال]

شكرا اميرنا على افتتاح المقهى والسهر به
وشكرا للاستاذ الشاعر شوقي على معلوماته واطلالته الراقية
فقط حابه اسجل ملاحظة بسيطة واعلقها على بوابة المقهى :

كنت اتمنى ان نولي مثل هذه الاحداث العظيمة اهتمامنا .. مثل ما نولي اي حدث عابر للأسف
اتذكر يوم استقلال الاردن والاحتفال به لم يدخل الموضوع الا من رحم ربي وكأنه لا علاقة لنا كاردنيين باي اخ من الأخوة واكثر من مرة تكون هناك مناسبات وطنية او تهنئة لأحد من الأردن ولا يدخل الموضوع احد من غير الاردنيين علما اننا نقول دائما أننا وطن واحد ويومها تأثرت كثيرا وأقسمت ان لا ادخل موضوعا يتحدث عن اي مناسبة لأي بلد عربي .. وقد حنثت اليوم بقسمي فقط لأجلك ولأجل الشاعر والوالد شوقي غنيم .. ولأجل أننا عربا ,, وان الموضوع في قسم على البال وليس مستقلا .. وفي المقهى بالذات وقلت قد تكون سهرة جميلة وبها تفاعل !!
وا أسفاه ..لو كان الموضوع عن الحب والزواج لتهافتنا اليه للأسف !!

شكرا من قلبي والدنا شوقي واطال الله عمرك وتأكد ان فرحتنا بهذا اليوم مثل فرحتك فقد تعلمنا تاريخ مصر وحضارتها وحفظنا جغرافيتها شيرا شبرا قبل ان نحفظ تاريخنا وجغرافيتنا .. وتأكد أننا شعب جُبلنا على المحبة والعروبة فمن ربانا هم جيلك ... جيل البندقية والارض والعروبة

تقديري لك واحترامي وتقديري لك اميرنا ..

ارجو ان تُعلّق هذه الكلمات على بوابة المقهى او جدارها في الخارج لمدة ثلاث أيام .,

أرب

[الامير الشهابي]

نمسي ولا نصبح على أهل الخير والشيمه
وأدعي ربي يديم المحبه
يامرحبا زمان الصمت أنشاء الله عجبك الكوكتيل العربي
هيدا مخصوص علشان مقهى على البال
وباين زمان أخترقت صمت العبور وزات المقهى
ونحنا حبينا الاحتفاليه تكون في المقهى لنو
بجد عنوان ..
معلش نحنا بنعذر الأخوان ومنو مشكل أكيد
بعضن مشغول نهاية الاسبوع وكمان البرد عم بطل براسو
وبجوز صار متخبي بفراشو..
يه يه يه يه شو مين جاي
ست الكل أرب ..نور المقهى
ياهلا بالهطله ونقول أهلا بالطله أهلا
وكرمال وجودك المقهى والله يحلا
أهلا بالطله
أهلا
يلا يازمان وينك .. لست الكل أحلى عصير
من اللي بحبو قلبك
ريحي شو شايفك شوي تعبانه
شو مالك بتطلعي حواليكي ..في شي منو عاجبك
..ياه من هزة راسك والله عرفت
لا تسألي خيتي وينن الاعضاء
هههههههههههههههه
ربي يرضى عليكي عمر الأبتسامه مافارقت هالوش
عصير كوكتيل عربي جاي
يسلموا يازمان بنت أصيله
ريحي ياخيتي شو هيدا يلي جايبيتو
ياه أكيد راح يفرحنا
شو بيكي عينيك تجول في المقهى زي الكاميرا خيتي أرب
صدقيني كل شىء على أصوله
وشوفي ما أحلى ركن العروبه يلي سواه خينا وحبيب قلبنا شوقي
إفتتح فيه السهرايه ..
شوبيكي ياخيتي ..وينك يازمان تعي شو فيه
شوفي خيتك أرب شو يلي معاها
قولي ليها وين بدها نعلقها باين يافطه حلوه أكيد بالمناسبه
أصيله خيتي عمرك ماتنسي
بدك أقرأها قبل مانعلقها
وين وعلى البوابه
هاتي يازمان وأقرئي معايا
لحظه زمان لحظه ...خلينا نبدا من العنوان
================
شو قالت أرب
للغايبين عنا الليله عندي شوية عتب
والعتب ياأحباب من زود المحبه
الوطن ياحبابي غالي عقلبي
وأنتو ياحباب للوطن نبع المحبه
وأعيادنا أعياد الموده
وأن غبتوا حاضرين بالقلب
بكفي يازمان قريتها كلها ..
يلا نعلقها على البوابه للمقهى
بجد معك حق ياخيتي بجد
ماتزعلي نفسك يرضى عليكي
عيد الامه راح يكون يوم تحرير فلسطين
ويوم نشوف القدس والاقصى محررين
والسلام يعم بلادنا العربيه
ماعليكي باين عليكي بجد حزينه
بس بين الحزن بقرا فيك الفرح
يلا زمان وصلي الست أرب يرضى عليكي
للبيت بس ماتسرعي بالطريق
وخذي هيدي أجمل بوكيه ورد خيتي أرب
جابتها زمان لعيون المقهى والمناسبه
وحطيها على باب البيت عندك خلي الناس
كلن يشوفوا أنو أرب الفرح ساكن نواصيها
يلا ماتطلعي قبل مانشوف البسمه مرسومه
على وشك ..
يرضى عليك الرب هلا قلبي إرتاح
تسلم زمان يلا (كرندايزر إنطلق ) فاكرينو
هههههههههههههههههه
تصبحوا على خير يارب
الرب معكن
ويحميكن
6/10/2011

[بنت الأردن]

صباح والا مسا الخير كلو خير
تصدقوا اول مرة بدخل المقهى
اول مرة اشوفها واشوف جمالها ياااااااااي شو حلوة
بدكم الصراحة وجودكم محليها
انا عندي توجيهي وعلى فضاوتي بدخل لكن بوعدكم ازور مقهاكم الحلو
هاي المرة ضيافتي عليكو والمرة الجاي بضيفكم انا

[الامير الشهابي]

جمعه مباركه عليكن
ويابنت الاردن بجد نورتي المقهى
وانشاء الله تجيبي نتيجه حلوه في الثانويه
وعلينا ليكي أحلا حفله
مافطروكي الصبايا
أكيد قاموا بواجبك
بكفي أنك بنت الاردن الغالي على قلوب الكل
أردن العروبه يلي عمرو ماقصر
يخلي الاردن وأهله وناسه يارب
وأحلا صباح للي كانوا سهرانين
ومساكن عطر دوم
7/10/2011 3.30 بعد الظهر