همسات للروح؟؟

نصير عبد الرحمان · 15 - 9 - 2011, 02:25 AM

.....

architecte · 16 - 9 - 2011, 12:34 AM

مبرووووووك زواجك
زغردو يا لبنات بنيتنا راهي جات
لبست ذاك الفستان و بالوانوا راهي ضوات
ولولو يا لبنات و صلوا على رسول الله
قصتنا راهي بدات هذا عام وشي ايامات
لما جاو أهل لعريس وطلبوا فينا آخر لبنات
مولات البيت و اساسوا بوجودها كانت ايامنا زهوات
ما نحيروا، ما نخموا، ما نتعبوا عندها تتلبى كل الطبلبات

**********************************
وعندنا من شي خمسة ايامات
بدينا لعزايم و الحلويات و باقي التجهيزات
و الطفلة تزينت ورجعت كيف الوردة في ربيع تفتحت وبهات
في وجهها بسمة لكن من عيونها سالت دمعات
هي العزيزة و هي الغالية لكن الخرجة راهي بدات
الطفلة بدات بخطوة لقدام و بزوج للخلف ولات
الخطوة جات ثقيلة و دموعها سالت على الخد و جرات
الخالة فيها تحلل، خاوتي مابيهاش خافت
بيها البيت لي فيه تربات

**********************************
جهازها ركبناه في هذيك السيارات
عرفت اختي بلي بقالها غير شي لحظات
دارت بعينيها و جالت في البيت و كل الركنات
تحوس على يماها كي صابتها تحضنتها و بكات
ورب الكون تحسبها صغيرة هذا وين للدنيا جات

**********************************
وبدات المشية رايحين للسيارات
بسم الله مشات و على الرسول صلاة
وهنا يا حضار الخرجة من البيت بدات
ودارت وبصوت حنين قالت
يا صلاح البيت تهلاو في اللي خليت
وتكمل تهلاو في بابا و يما وخوتي بجاه رب الأرض و السموات

**********************************
مبرووووووووك الف الف مبروووووووووك عليك اختي الغالية
شكرا لكل الحنان الذي غمرتنا به
شكر لسهرك علينا و شكرا لتعبك
عذرا ان ظلمناك يوما
عذرا ان تسببنا في الم لك يوما
عذرا اننا اجهدناك في خدمتنا شكرا الف الف شكر اختي
اعرف اننا مهما فعلنا لن نرد بعضا مما فعلت
ولا نملك الا ان ندعوا ان يسعدك الله جل جلاله
الكثير منا لا يعرف قيمة ان تكون ليه اخت حتى يوم زواجها خاصة اذا كانت الأخيرة ثم يرجع يرد يتفكر كيف كانت معاملتو ليها ويعرف انها كانت في بيتهم جوهرة و اميرة لا تعرف قيمتها الى حين تغادرها فعاملوا اخواتكم جيدا و احسنوا اليهن كثيرا