جميع قصائد هشام الجخ مكتوبة - (( متجدد ))

[محمد ماهر مرعي]

القصيده الحادى والثلاثون

عشان غنى - هشام الجخ


وعشان غنى ومعاه فلوس
هملتنى وراحتله
ابكى على نفسى ولا
عالمسكين اللى راحتله
ولانى راجل مليونير
والخير كتير
عليت عيونى عالبكا
وقلت اسيبهاله زكا
ودفنت ايدى فالسويتر
وابتديت اشوط الطوب
واغنى كنا نتلاقى من عشية


كوبرى الزمالك زى ماهو
البنات هم البنات
والولاد هم الولاد
والدرابزين الحزين
لساه رزين
والكلاكسات اللى سارحة فالودان
واللى بيوشوشها فعيونك غموض
واللى بيوشوشها فعيونك امان
بس المكان هو المكان
خمسين سنة والكوبرى
مصلوب عالطريق
لا انا كنت اول مين يحب
ولا يوم هكون اخر عشيق
وادى البنات ألوفات
مترصصين عالكوبرى
يعنى انتى اجمل واحدة فيهم؟؟
ده انتى لو كشيتى فيهم تفزعيهم
صدقيـــــنى
صبغة الكذب اللى نزلت من ملامحك
غيرت شكلك نهائى
شوشت صورتك فقلبى
بقيت ملامحك
فاستخبيت جوه دائى
جوه ابيات القصيدة

المكان هو المكان
والبنات هم البنات
فى اللى فازوا بالنهار
وفى اللى تاهوا فى البعاد
وانتى واحدة من اللى تاهو
اما انا ... فزى ما انا
وكوبرى الزمالك زى ما هو

بعيد عنك حياتى عذاب
متبعدنيش بعيد عنك
ماليش غير الدموع
ام كلثوم الشقية
ضحكت عليا
سهرتنى الليل بطوله
اكتب الشعر اللى نفسك تسمعيه
وانا لاجل خاطرك مش هاقوله
وان كان حبيبك شاعر كتبيه
وابعتيلى قصايده اول باول
اه يا زمن .....يا احول
بقى ابقى حبيتك
وبقيتك عن الدنيا وما فيها
واصطفيتك
سبتلك وردة فؤادى تقطفيها
كنت فاكرك هتراعيها
وتداريها بين ضلوعك
وان مكفتهاش دموعك
من دماكى تضيًفيها
كنت فاكرك يوم ما اقول الاه
هاتخدى منى الآهة تخففيها
ولا كنت يوم يخطر عليا
انى لو مديت اديا
ليكى ممكن تكسفيها
يا ام كلثوم
الغرام محتاج حموم
قبل متغنى لقلوب الناس
تعالى نضفيها

[محمد ماهر مرعي]

القصيده الثانيه والثلاثين
عماره
قصيده عاميه




عمّارة ومن يومها أمارة ويشهد لها كل اللي جرى
واهي بس الدنيا الدوّارة دي اللي جابتنا شوية ورا
لكن بإدينا حنبنيها



ونفكّر كل اللي نسيها
ما هو لسة اللي بانيها فيها
واسأل شوارعها وحواريها
تحكي لك سيرة معطّرة

[أحمد معروف]

الرائع محمد
أشكرك من القلب لإنتقاءك هذا الشاعر المتجدد الذى أغرم بقصائده الرائعه
إنه مشروع شاعر موهوب مثلك محمد
كل التحيه لروعه إختياراتك
كن بخير

[روح الياسمين]

كم انت رائع ميتو في امتاعنا بهذي القصائد الجميلة
سلمت الايادي وبوركت