لو لمبة اتحرقت هيكون تصرف الناس معاها ايه؟؟ تعالوا نشوف كده

**حنان عرفه** · 2 - 12 - 2011, 01:33 PM

لو لمبة اتحرقت هيكون تصرف الناس معاها ايه؟؟
الإجابة البديهيه ان الناس هتغيرها، لكن ثبت بالتجربة ان الإجابة دى مش وافية لأن تصرف الناس مع اللمبة هيختلف حسب مكانهم ثقافتهم فمثلا:

فى العراق
لما ناس بتتحرق فى بيتهم لمبة بينزلوا يخطفوا اول اجنبى يقابلوه ويطلبوا من بلده تبعت لمبة جديدة مع واحد يغيرها علشان يفرجوا عن المخطوف

فى انجلترا
لو واحد اتحرقت فى بيته لمبة بيتصل بمندوب حلف الأطلنطى علشان ياخد اذن بتركيب لمبة جديدة

فى السودان
واحد هايمسك اللمبة وخمسة يلفوا السقف

فى الصين
لما واحد بتتحرق فى بيته لمبه، بيدخل كل البيوت اللى فى شارعهم ويبص تحت السلم، لحد ما يلاقى السلم الى فيه ناس قاعدة تحتيه بتصنع لمبات، ياخد منهم لمبة علشان يغيرها، يديلهم بدالها ساعة من اللى هو بيعملها تحت السلم فى بيته

فى اليمن
لما واحد بتتحرق فى بيته لمبة بيقعد يخزن قات لحد ما يبقى شايف ان اللمبة اتغيرت لوحدها

فى الخليج
لما واحد بتتحرق فى بيته لمبة بيطلب من الشغالة الفلبينية انها تبعت السواق الباكستانى يجيب صنايعى هندى يغير له كل اللمبات الى فى البيت

فى لبنان
علشان واحد يغير لمبة محروقة لازم واحد تانى يولعله الأرجيلة (الشيشة) وواحدة تغنى للإتنين وواحد ينزل يجيب ومعسل وسجاير للتلاتة علشان كله يعدل مزاجه قبل الشغل فى اللمبة

في ليبيا
لو اللمبة اتحرقت بيراجعوا الكتاب الأخضر ويشوفوا فبه تعليمات تغيير لمبة فى الجماهيرية

فى الصومال
لما لمبة بتتحرق ماحدش بينتبه للموضوع دا علشان ماعندهمش كهربا أصلا

فى المغرب
لما لمبة بتتحرق فى بيت واحد بيروح مسافر فرنسا يشتغل فى المينا هناك أسبوع ويرجع بكرتونة لمبات فى أيده

فى ايران
لما واحد بتتحرق فى بيته لمبة كهربا بيخرج ينضم للمظاهرات علشان يطالب بحقه فى لمبة نووية

فى سوريا
لما بتتحرق لمبة بيعملولها استفتاء وتطلع النتيجة ان اللمبة شغالة بنسبة 99.999% ويعملوا احتفال قومى للوصول للنسبة دى، ولو مافيش ميزانيه للإستفتاء يطلع خبر فى الجرايد تانى يوم ان اللمبة انتحرت علشان حست إنها مقصرة فى أداء واجبها القومى

فى مصر
أى عيل صغير ممكن يغير لمبة ويدور على مين يدفع تمن اللمبة

فى إسرائيل
لما لمبة بتتحرق بيقولو ان الإرهابيين الفلسطينين هما اللى حرقوها ويطلبو من امريكا انها تبعت لهم بدالها ألف لمبة جديدة وكمان شوية صواريخ وطيارات علشان يقوموا بواجبهم فى الحرب على الإرهاب وينسفوا بيوت الناس اللى حرقوا اللمبة

فى فرنسا
لما لمبة بتتحرق بياخدوها يعملوها إزازة بارفان وطبعا كل الناس بتقلدهم بعد كدة وتبقى موضة

فى أمريكا الجنوبية
لما واحد بتتحرق فى بيته لمبة بياخد جماعة من أصحابه وكام مدفع رشاش ويلبسو صاعقة ويطلعوا على قصر الرياسة يعملوا انقلاب ويخلعوا الريس ويمسكوا الحكم ويكلفو الجيش انه يغير اللمبات المحروقة اللى عندهم كلها بسرعة قبل ما واحد تانى تتحرقله لمبة وييجى يخلعهم

فى الولايات المتحدة الأمريكية
لما واحد بتتحرق فى بيته لمبة بيتهموا حزب القاعدة بإنه السبب الرئيسى فى حرق هذه اللمبة وعلى هذا الأساس سيتم ارسال قوة حربية مؤلفة من 2000 دبابة مدعومة بـ 243000 من مشاة البحرية و غطاء جوي مؤلف من 846 قاذفة مهمتها البحث والعثور على المجرم الإرهابى الذى فعلة هذه الفعلة الشنيعة وسيتم نشر قواعد عسكرية فى جميع بلدان الشرق الأوسط للبحث والتحرى وسيتم إرسال مفتشين دوليين للتأكد من أن جميع دول الشرق الأوسط لا يوجد بها لمبة محروقة وسيتم احتلال أى دولة إذا تم التأكد من وجود لمبة محروقة باعتبار أن حكوماتها غير قادرة على إيجاد من يغير هذه اللمبة

منتصر أبوفرحة · 2 - 12 - 2011, 02:18 PM

فى السودان
واحد هايمسك اللمبة وخمسة يلفوا السقف

ههههههههههههههههههههههههههههههههههههههه
من وين جبتيهم
خههههههههههههههههههه
بجد ضحكت

**أبو جمال** · 2 - 12 - 2011, 03:30 PM

هههههههههههههههههههه
سلمت الايادي
مشكورة سيدة حنان

العسقلانى · 2 - 12 - 2011, 04:09 PM

عندا بغزة ما في لمبات بينحرقوا
لانه اصلا الكهرب ما بنشوفها الا
في السنة مرة طبعا تحت مبررات الحصار

**بنت فلسطين** · 2 - 12 - 2011, 04:21 PM

فى أمريكا الجنوبية
لما واحد بتتحرق فى بيته لمبة بياخد جماعة من أصحابه وكام مدفع رشاش ويلبسو صاعقة ويطلعوا على قصر الرياسة يعملوا انقلاب ويخلعوا الريس ويمسكوا الحكم ويكلفو الجيش انه يغير اللمبات المحروقة اللى عندهم كلها بسرعة قبل ما واحد تانى تتحرقله لمبة وييجى يخلعهم

سلمت الايادي حنان
رائعة

**B-happy** · 2 - 12 - 2011, 05:20 PM

روعة يا حنان ولو في الاردن انحرقت لمبة في بيت واحد بتهم شركة الكهربا وبمتنع عن دفع الفواتير وبروح بدون ما يعرف جاره بمد سلك من ساعة الكهربا عنده وبسرق بعديها لمبة من الشارع بركبها ببيته وبحل المشكله

تحياتي حنان