[شوقى غنيم]

سيناء تتحدث عن نفسها
للشاعر المصرى شوقى غنيم
******************************
ردت فىّ الروح خفت كل الجروح
لما رجعتلك يا مصر
مبقاش غير مسموح وتروح مطرح متروح
مرفوعه رايات النصر
في 25 ابريل طلع النهار عالليل
وأفراح من القنال للبحر
ورمالي عماله تتنطط وجبالي بتزغرط
لما انزاح عننا الشر
وانا بينهم عروسه بجيشي المصرى محروسه
وفى قنالي السفن بتمر
حنسى أيام الألم وتنكيس على أرضي العلم
ودموعي اللي كانت بحر
دماء الشهدا مدفيني بيه أخضر ويرويني
ونخيلي من أحلا تمر
واللي تاني يعاديني أكبر قوه يلاقيني
حيشوف العزاب والمر
كل العالم يشهدلي ويعرف ايه أصلي
أرض الأنبياء والسحر
السحر في جمالي والميه بتلعب على رمالي
ما هو انا بنت مصر
كليم الله موسى والمسجد والعزرا والكنيسه
وأمجاد مالهاش حصر
أفراح في كل مكان وأرض الأنبيا في أمان
ورجعت في حضنك يا مصر
والنهارده بتنشأ المدن وحكايات يحكيها الزمن
من قدم التاريخ للعصر
فيّ الجبل اللي انهدم وخر موسى وسجد
وذكرتي في الكتاب يا مصر
وكنيسة القديسه وعيون نبينا موسى
والآذان وأجراس النصر
وحدة أديان واحده وكلنا في بلدنا وحده
من زمان ولآخر العمر
والنهارده بيتبنى فيها المدن
وأعمال كتير مالهاش حصر
ولكل الأديان صبحت وطن
والجميع بيهتف تحيا مصر





حول موقع الويب هذا



youtube.com


رفع العلم المصري في سيناء