[شوقى غنيم]

تونس بلدكم ليه تنحرق تونس جزء من العرب

انقذوها يا شباب من الغرق اللى بيموت أم وأخ وأب

شعب جيش شرطه ما فيش فرق ليه بينكم تقوم حرب

اتوحدوا ذى مقال نبينا والرب طالبوا بحقوقكم بسلام وحب

تونس الخضرا ليه تشعلوا فيها النار. نار ولهيب من دار لدار

داللى بينحرق أخ وصديق أم وعجوز طفل وولد بنت وجار

سيول دم فى الشوارع أنهار وعجوز على الارض انهار

وقع من طوله مالقاش اللى يشيله جات عليه النار

انحرق واللى ماله انسرق ودخلوا وسطكم أشرار

دخلوا فى وسطكم أشرار أشعلوها نا رما تطفيها بحار

واللى بينكم على بلده يغار مالقاش اللى يشاركوا الافكار

بقى وسطيكم محتار مالقاش اللى يسانده فى القرار

بكى على بلده تونس الخضره وتعب من المشوار

والآخر أصابه قناص كان مختفى وراء جدار

وكان آخر كلامه يا رب انقذ بلدنا من شلة الاشرار

والنظام الهدام ينهار

ويحكم بلدنا رجال احرار

وينصر يا رب الثوار

عايزين نسمع بكره عنكم خبر خير

وينتهى القتل والتدمير

ونحكم العقل بالتفكير

ومشاركه من الجميع على المصير

ونشعلها ثوره للتغيير

*******

ومبروك لشعب تونس النصر

وتحرير أرضه من الحاكم الظالم

هى دى الثوره الحقيقيه

لما الظلم يذيد

وتونس النهارده فى عهد جديد

هى دى ارادة شعب

ضرب ضربته بايد من حديد

وبكره نشوف فى تونس الحريه

بعد التغيير والتجديد

*********

#$