[عقيل كريم الشويلي]

يالشــايـل رقـة وجـمال الـكون
متكلـي الترافـة مـنـين جــايبها
كل السحر بعيـونك الحـلــوات
وسـلة ورد عالخـدين شايلــها
ياحــايـل يمـتة الحصـاد وياك
وأثمـارك مـن الشـفتين ناكلـها
اريــد اتغـزل وياك انـه اشلون
وعيونك كرخ ورصافه داخن الـها
أسـتر علينة ولاتطلع مــن الباب
لأن عاليها ينكلب جـوة سافلـها
يابـو عيـون وكحه اتهـدة وياي
متكلي اليحبك هالوكاحة اشلون حاملها
مـن تمـشي غـزالة وداست الـكاع
تدوخ أزغـار وكبار وحتى جاهلـها
الـصـبر ياربي تالي اشــلــون
ما احمل بعد وعقول الخلك قافلـها
مسودن الـوادم بالـترافة الـبـيه
والمسـودن تسـودن كبل عاقلـها

العقل داخ بغرامك وك ولع بيك
وجان ارماد كلبي وك ولع بيك
سوي أشما تسوي وك ولع بيك
ولاأكلك شنو السويته بيه

( أهداء خاص )

بقلمي الشاعر
عقيل كريم الشويلي
14_3-2011