[شوقى غنيم]

قولوا لمراتي يا ناس كفايه بقى تبزير
جيبي اشتكى من الافلاس وعقلي حيفوتني ويطير
ماهيتي يوم واحد مابتستناش
ومصاريف ذايده عن دخلي كتير
عماله تبعتر شمال ويمين من غير وعى ولا تفكير
ومايشه تملي ويا الموضه ويوماتي رايحه للكوافير
وان قلت مره يا مراتي كفايه
تقولي انا موش اقل من جارتنا سهير
وفى ساعه يضيع كل شقايا
غير ما استلف من صاحبي منير
امتى يا ناس مراتي حتعرف
طريق بنك للتوفير
******
اخدت مره مراتي ورحت نزور صاحبي منير
لان مراته مثال الست واعقل منها كتير
ما تعرفشي ابدا الاسراف ويهمها دايما التوفير
أخدتها وفي عقلى قلت يمكن منها تغير
******
وقعدنا واتقدم لينا الواجب شيئ بالطبع بسيط
طبعا لمراتي ما كانش عاجب اكمنها واخده
على التفريط
وذهلت لما عرفت الست حبايب
طبعها طيب وست بيت
بالضروري بس تطالب وعامله لبيتها ميزانيه وتخطيط
وتقلل من مصروفها وتوفر ولا غاويه جرى ولا تنطيط
وصاحبى منير بيدعي ويشكر اكمنه معاها عايش مبسوط
*******
رجعت البيت وقلت يا هادي يبقى الشهر الجاي بدايه
وننسى الماضي
واشوف القرش تمللي فى ايدى وطول الشهر متهني
وراضي
والحق كان ده لمراتي درس كبير
وعرفت ايه الفايده من التوفير
وشافت انه من واجبها تنصح بدورها جارتنا سهير
علشان ما الكل يشارك بلده وتبقى فى ايدينا الثروه كتير

*************
أقدم اعتزارى لزوجتى
انها فقط خاطره
********