[حنان عرفه]

النهاردة الغداء أكلة إبنتي المحببة قلقاس بالفرن باللحمة

فيه ناس ماتعرف القلقاس فقلت اجيبه قبل التجهيز


المقادير :
ا كيلو قلقاس
2 بصلة متوسطة
عصير طماطم أو صلصة حسب الرغبة
طبعا اللحمة على حسب الافراد
ملح ، فلفل أسمر

الطريقة :

بنقشر القلقاس ونقطعه صوابع وبعدين نحمره في اي مادة دهنية
أنا أفضل الزيت علشان يكون اخف من السمن



نقطع البصل شرائح رفيعة وندعكها بالملح والفلفل الاسمر
بإيدينا طبعا بتدي طعم حلو للأكل

بعد كده نيجي للحمة نقلبها في البصل من غير نار وبعدين نضع القلقاس
وعصير الطماطم وكمية من الماء تكفي لنضح اللحم في صينية ونرفعها على النار
أفضل ان الصينية على البوتاجاز الاول قبل الفرن كده مش هتاخد وقت طويل في الفرن وكمان اللحمة تستوي اسرع
وبعد حوالي نص ساعة ضعيها في الفرن حتى يتم النضج وتحمر الصنية
وبالهنا والشفا .
ممكن جنبها أرز بالشعرية