[شوقى غنيم]

طول عمرنا احبه وللابد حبايب
نتقاسم اللقمه واكتر من القرايب
في السراء موده ونسأل عن الغايب
وفي الاحزان مشاركه
ونشيل بعض في المصايب
****
في سته اكتوبر كنا في خندق واحد
والهلال مع الصليب وجرجس مع عبد الواحد
واخويا محمد لما طلبوله دم كنت اول من يساعد
والدم كان بيسري مني له والله على حبنا شاهد
*******
دي قله وعايزه تفرق بينا
غرضها تقضي على ثورة 25 يناير
موش فاهمين ان المسيحي والمسلم
قلوبهم بالحب عامر
دي قله من العهد اللي فات
اللي انتهت بعون الله القادر
اللي نشأت على الظلم والبطش
في ظل حاكم ظالم وغادر
******
بس خلاص معدش ليهم بينا مكان
ولو ان بيخرج من بينهم حيتان
عايزه تدمر اقتصادنا
عايزه تقضي على انتصارنا
عايزه ما يكونشي في مصر امان
عايزه ترجع من تاني الزمان
وعمر ما يرجع من تاني اللي كان
بعد ما اتحررت قلوبنا ونفوسنا
وثورة العرب في كل مكان
دول انتهوا ما بقاش ليهم بينا مكان

*************
مع تحياتي