[شوقى غنيم]

يا حبيبي يا ابني
******
يا حبيبي يا ابني يا وحيد يا سائل عنّي وانت بعيد
يوم ما بتجيني وتشوفك عيني يبقى اليوم ده اجمل عيد
يا حبيبي يا ابني
ياما سهرت عشانك يا ما واجمل فرحه وانت بتقولّلي يا ماما
كنت باحس الدنيادى كلها موش سيعاني
شوف أد ايه كان حبي ليك وحناني
واما كبرت لقيتك جنبي
شايلاك جوه في روحي وقلبي
دانت يا روحي اكبر حبي كل ما فيك أصله مني
واللي يشوفك حيقول ابني
يا حبيبي يا ابني
بادعي ليلاتي وقول يا ربي واكتم في آهاتي وصبر قلبي
ولا في يوم حيرتاح قلبي الا ما أشوفك يا حبيبي جنبي
دانت يا روحي أكبر حبي موش عايزاك ابدا تبعد عني
كل ما فيك أصله مني واللي يشوفك حيقول ابني
يا حبيبي يا ابني
على نار وشوق يا حبيبي مستنيّه
موش قادره اداري عن الناس دمع عنييّ
دانت اللي بقيلي من الدنيا أملي وحبي وكل ما ليهّ
بادعيلك من قلبي وراضيه عليك
يا رب يبارك فيك ويخليك
ابني حبيبي تملّلي فاكرني
انت يا روحي اكبر حبي
وكل ما فيك أصله مني
واللي يشوفك بيقول ابني
***********
مع تحيات الشاعر المصري شوقى غنيم