[أبان]

باركي لي يمَّه بقيت ليبرالي..يا فرحتي يوم ما تحضَّرت
والحق داروين أدرى بحالي..يظهر كدا إني تطوَّرت

من النهار ده حتبقى رسالتي..أهاجم اللحية والدين
ولا ادوقشي طعم الراحه والنوم..إلَّا وكل الناس قالعين

يا سلام خلاص حاعمل ما بدالي..ديك رومي مَلْو التلّاجة
أتحدّى بابا وأشتم خالي..وأسلّفك إذا محتاجة

الفكرة إنِّ الناس أحرار..والحر هوَّا اللي يختار
واخترت اعيش عيشة الخواجات..سُكر وسهر وبنات وقمار

والست دي شُغلانتي الست..السر فيها دي راس مالي
صعبان عليّا حالها تعبت..نفسي أبوسها طوّالي
وتلبس على آخر موضة..وتجيب حبيبها للأوضة
يا حلاوة الدنيا الفوضى..والكل مع مرادو سالي

ما كفاية بقى هم ورجعية..مومن وإيماني في القلب
إزّاي حاعيش الدنيا ديّا..والمال لكل من هب ودب
ووقتي في عبادة بيضيع..
لابد نعبد..عالسّريع نرضى نسلِّم بالتطبيع
ونرابي وان طُلنا ننهب..
بسلوب حضاري ومُهذّب
دا شرط لازم عند الغرب

باركي لي يمَّه دا إبنك
إبنك دا ليبرالي مؤدّب