[محمد ماهر مرعي]

كان نفسه يخطي حدود الكون ..
لكن رجليه مخطتشي
كان أول حلم يكون مجنون ..
قالوله كفايه ما تحلمش
كان نفسه يدور
ويعدي السور ..
وبصوته يثور .. وميسكتشي
كان نفسه يطير
شبه العصافير
بجناح مكسور ما .. بيشيلشي
كان نفسه يزغزغ كل الناس ..
علشان الضحك ما يخلصشي ..
كان نفسه يعيش ..
شبه الدراويش ..
عاشق مرتاح .. والحال يمشي ..
كتبوا المكاتيب ..
قالوا شاب غريب ..
صرخ الأوباش .. لازم يمشي
كان حلم كبير ..
لكن يا خساره مطولشي
كان شاب تمام ..
جواه أحلام ..
ماتت في صباها ..( معلشي)!!



محمد ماهر مرعي
8 * 9 * 2012