[أجراس المطر]

يـمـكـن تـمــرك سـاعــة الـضـيـق وتـــروح

وداعـــــــــة الله مـــابـــقــــى لـــلـــغــــلا روح
وش حيـلـتـي والـعـشــق يــنــزف وريــــده

سـامـح حبيـبـك وانــت معـفـي ومسـمـوح
لــكــن طـلـبـتـك تـســمــع اخـــــر قـصــيــده

قصـيـدة(ن) خـذهـا عـلـى شـيـك مـفـتـوح
مـن واحــد(ن) مـاقـد نـشـد عــن رصـيـده

فـقـيــر مـــــال ولــكـــن انـــــه غــنـــي روح
ويــمــلــك مـفـاتــيــح الــحــيــاه الـسـعــيــده

لــــو ان قـلــبــه لاخــفـــق كــلـــه جـــــروح
ولاهــو مـــن اصـحــاب الـقـلـوب البـلـيـده

يـحـزن لـحــزن الـنــاس ويـســج ويـنــوح
ويـفــرح لـكــل الـنــاس لـــو هـــي بـعـيــده

ومـــن منـطـلـق ســـر الـعـلاقـات والـبــوح
بـعـلـمــك شـــــي(ن) عـــســـى تـسـتـفـيــده

يـمـكـن تـمــرك سـاعــة الـضـيـق وتـــروح
وتـــقــــول عـــــــدت والــلــيــالــي مــــديــــده

وانـــــا اقـــــزر ضــيــقــة فـــراقـــك مــــــزوح
هــــذي ســنــه والـعـلــم عـيـيــت اصــيـــده

عقـبـك قصـيـدي يسـجـعـه نـايــح الـــدوح
وعــقــبــك تـــــــرى مـالـلـشــرايــد شـــريــــده

وعقبك لو اخفي ضيقة الصدر مفضوح
كــــلــــه لــعــيــنــك يــالــمــهــاة الـــفـــريـــده

مـضــرم عـلـيــك ودلــــة وصــالــك تــفــوح
فــــي جـنـبـهــا جــمـــر وتـحـتـهــا وقــيـــده

والحـيـن تبـغـى الـوصـل والا تـبــا تـــروح
بــعــد سـمـعــت اغــلــى واخـــــر قـصــيــده