[انطون سابا]

عامل لي حالك قوال
بساح الشعر والتحدي
التحدي ماكان ينقال
غير من بيي أوجدي
طالعلن أنا بكل حال
لاتقعد أوعى حدّي
مهما بدعت بأقوال
بردعك في بس ردي
بساح المغنى والموال
ياشاطر مانك قدّي
بساح المغنى عندي رجال
الحرف بالكلمي زندّي
فرسي دلعونا وزلزال
بتهجم قبلي وماتهدّي
وقدّ العتابا بموال
وقرادي وزلف ومشدّي
سلاحي م عيون الأقوال
ترفع راسا بكل شدّي
وُدّي عندي حبره سال
بيتسطّر ردّي ع ردّي
انتبه توعّى ياقوال
مانك بالنظم قدّي