[آلاء إبراهيم الشرقاوي]

زي زمان Like an old time
.......................................
شوفتوا التخريب والتدمير؟
ومظاهر حرق وتهديد
اللي مدمر بنك الدم
وحريق جامعة وقتل عبيد
وبحور دم ف كل مكان
ومظاهر بشعة وتحريض
وكمان في الجيزة وكرداسة
من قتل وضرب وتجريد
ويرتبوا علي نار الفتنة
ويقولوا امتا النار دي تقيد
ولا تظاهر جوا المسجد
ده تصرف من ناس مجانين
تحطيم في مباني وإجرام
فتح سجون تهريب مساجين
وتهجم يبقي علي كنيسة
ويكونوا هما بكدا راضيين
وكمان قتل جنود عايشين
يفدوا بلدهم وبأرواحهم
وكمان م الموت مش خايفين
ياه علي جبروتكوا وتخريبكوا
وتقـــــولوا دي سنة او دين؟؟
الإسلام عمر ما كان يقبل
تخريب أو دبح الملايين
كفاااياااااااكوا ربنا يهديكوا
عاوزين نرجع متحدين
زي زمان ونكون ايد وحدة
ونصلح تلف اللي اتحطم
ونكون في بلدنا مشاركين
انها تتقدم وادعولها
ان الخير يملاها سنين
.................................................. .........
تأليف : آلاء الشرقاوي