[شوقى غنيم]

أفراح القنال الجديده

للشاعر المصرى شوقى غنيم

**************************

قيموا الأفراح قيموا الزينه

غنوا غنوا لعروس سينا

زفوها زفوها في كل مدينه

حيوها من مينا لمينا

سفن رايحه وجايه سفينه

مشهد لأول مره تشوفه عنينا

وكل العالم جاى يبارك

وبالحب الكل بيحيينا

وفي المحروسه بيشاهدوها حبايبنا

ولآخر قنالنا حتعدينا

والفرحه ملت كل قلوبنا

حققنا لمصر ما تمنينا

والريس بيشد ايده على ايدنا

وفي وسط حبايبه بيشاور لينا

شقينا الصخر لا همنا برد ولا حر

ولا ضعف عزمنا فينا

وقبل السنه ما بتمر

السفن في قنالنا بتمر

بعزمنا واصرارنا اتحدينا

بقوة الرجال السمر

ومهندسينا وجيشنا الحر

والله كان مقوينا

أعمال مالهاش حصر

تمت بقوتنا ويا الصبر

وهى دي العزه المعروفه فينا

ربنا يديني طولة العمر

وأشارك في أعمال تانيه لمصر

وابني وازرع جناين سينا

وحواليها مشاريع مالهاش حصر

وانفاق من تحتيها نمر

وقطارات لسينا تودينا

واشوف فيها الأراضي الخضر

ومصانع لقلوبنا تسر

وجيشنا القوى يحمينا

**************