[شوقى غنيم]

لاجل مصر
للشاعر المصرى شوقى غنيم
***********************
لاجل مصر أقدم ابن تانى من جديد
وينول ويا أخوه الشهاده
حبى لمصر بقى فى شريانى والوريد
وبعد الله محبتها والعباده
وذى سعادتى أخواته وأبوه سعيد
وزوجه صالحه بتربى ابنها عالقياده
عشان يكون ذى أبوه شهيد
وينول هو كمان الشهاده
**************************
ميت مليون بيقولوا نفس الكلام
الا البعض القليل
اللى ما بيحبوا لمصر السلام
قله وعماها التضليل
بيدعوا لنفسهم الاسلام
ويفرقوا بين مرقص وعبد الجليل
عايشين بقلوبهم فى الظلام
ناكرين لمصر الجميل
قله واتربت على الاجرام
نهايتها قربت على الرجيل
*******************************
عاشوا جنودنا على الحدود
واللى ضحوا بالأرواح
فاردين جناحاتهم ذى الأسود
ماسكين بقوه السلاح
همه وعزمهم ذى الجدود
لا يخافوا الشهاده ولا الجراح
أقسموا حق الشهيد لازم يعود
وتعم فى سينا ومصر الأفراح
**************************
وانا من جنود أكتوبر العبور
أتمنى أشاركهم المعارك
اللى قدر يعدى الصعب والجسور
مع جنودنا يقدر يشارك
لسه فى صحتى وفى قلبى نور
والله هو اللى بيبارك
لو دعتونى أكون مسرور
وعند وعدى وفى كلامى صادق
لحد ما يتحقق بالكامل التحرير
والملايين معايا حتشارك
*******************








٤