خلص ماريد وصلك لا تصاويرك

[لؤلؤة ثمينة]

((صول وجول واركب ماعله بخيلك


خلص ماريد وصلك لا تصاويرك


ليش اني اشفت من دنية احزاني


تريد انوب احبك لو احب غيرك))



راح احجي بصراحه ولكن ابيجاز


اسمعني بلا تعصب وافهم عليه



بعد عمري شكلك قدر الاحوال


وظل وياي عالخط ممكن شويه



خاف اجرح احساسك بعدك زغيرون


وانه بالصبر عمري وصل الميه




وقاري من الجروح هواي ميصدكون


بنت عوام كلهه اتظني علويه



صرت ام للكبرني بالسنين وشاب


وجده الجدة امي من اطلكت بيه



تبناني الحزن من مولدي للموت


ودفن سري بمدارس دمع مبنيه



بسفوح السراب وفوك نث الكيض


بامل نفع النواعي علنسه الجيه



شكة توم ويه مرادف الشوغات


واراهن عالزمن واترجه تاليه



يرق كلبه ويهادن لو يكف بلواه


ويلوموني عله طيبة كلبي والنيه



ويوصفون النذر للمات مس جنون


انحرت روحي انذرته الخيط حنيه



ولمن ماشفت ب أيامي رحمة غيث


تقمصت المحبه بصوره شعريه



عشكت وحي القصيده عاشرت مجهول


جعل مهري القوافي بغير منيه


وقسم لو ما يونسهم رباب ابجاي


جا ذبحو احساسي بضوه الفجريه




ايمان رسول الكوفي

[الامير الشهابي]

الاخت الفاضله لؤلؤه
إختيار جميل رائع بورك قلمك
التميز في النقل تميز كما الكتابه
تقبلي مودتي وإحترامي

[ناجي أبوشعيب]

((صول وجول واركب ماعله بخيلك
خلص ماريد وصلك لا تصاويرك
ليش اني اشفت من دنية احزاني
تريد انوب احبك لو احب غيرك))

sha@

الأخت لؤلؤة احسنت الإختيار
جميل ما نقلته لنا هنا ..
دمت بألف ودّ
احتراماتي
أخوك ناجي بن مسعود

sha@

[لؤلؤة ثمينة]

اميرنا المبدع دوما بحضوره وتميزه الملحوظ شرفتني بمتابعتك القيمة وتعليقك اعتز به دوما
تقديري لك

الاخ الطيب ناجي سرني متابعتك القيمة واعتز بمرورك الراقي تحياتي

[الغراب الأسود]

عشكت وحي القصيده عاشرت مجهول


جعل مهري القوافي بغير منيه


وقسم لو ما يونسهم رباب ابجاي


جا ذبحو احساسي بضوه الفجريه
مشكورة على اختيارك الروعة
كلمات القصيدة جميلة
تحياتي الك يا لؤلؤة ثمينة

[لؤلؤة ثمينة]

حياك الله ياطيب لجميل الحضور
تحياتي

[lawanda]

~ شكراً يا الغلا على الطرح والفائدة
طرح مميز
بارك الله فيك ~

[ابو فداء]

[لؤلؤة ثمينة]

ممنونة لجميل المرور والمتابعة
تحياتي لكم