مقهى على البال..

[وفاء بنت غزة]

اول شي لازمنا صوبه لانو المقهى بارد
والاجواء غير مشجعه ع السهر
وهاي احلى دفاية الله يرحمك يا جدي
وكانون ستي



ومعها قصة

قُرب المدفأة، تغزلُ الصوفَ

مع كل غرزة إبرةٍ، تتذكرُ سنةً من سنوات عمرها

تتأملها تِباعاً؛

كأنها تشهدُ صوراً متحركة

لكن صورةً واحدةً منها توقفت في مخيلتها؛

رغم أنها ظلت تحاول إخفاءَها

...
أحسّت بالبرد يتسلل إلى جسدها النحيل

انتبهت؛

كانت المدفأة قد خمد لهيبها

[بصيرة الأعمى]

شو هاد وفاء هيك المكان صار مشجع للنوم
دفاية وقصص ما قبل النوم!!

شو رأيك نعمل فيها شهر كانون جد
وهاتي الكستنا لأقولك
وأقعد جنبي تا نتخرف
أي مهو خريفة وحدة بس بتمنع النوم
وجيبي معك شاي للسهرة
وتعالوا يا أعضائنا فيه عنا خراريف الشتااا

[أرب جمـال]

انا جيت وجبت لكم تشيز كيك
شو رأيكم ناكلها عند الموقد
شو بدنا نحكي تا نحكي
ذكرتوني بعجوز كانت جارة النا الله يرحمها وهي تقول خرفتك خريريفة بتذكروها
يلا نشمات وبصيرة انا جايبه الجاعد معي تا نقعد عليه وعيونا على لهب النار
بنتظر اول خريفة

[بصيرة الأعمى]

اووووووه هلأ بتحلى القعدة
وبما انو نسمات غادرتنا بدري ونامت
أنا رح بقوم بالواجب
يسلمو أرب على التشيز كيك بكرة برجعلك الصحن ههه
أول تعليق لو ستي شافت هالصحن رح يكون
الله يرحم (البسيسة)

أنا رح ببدأ بخريفتي بس بعد شوي لأجمع حروفها
معكم ع طووووول

[بصيرة الأعمى]

فيه خرفية كنت بسمعها وأنا صغيرة
وإلى الآن أستذكرها
وهي قصة (افتحي قرنك يا بقرة)
ما بعرف لو حد منكم سمعها من قبل
لكن هي قصة دارجة جدا هنا أي منتشرة
ما بعرف ليه تذكرت مع أحداثها
(البقرة الضاحكة) ههه
لهيك جيت أنا وجبنة لافشكري
وتفضلوااااا العشا
http://lghttp.5588.nexcesscdn.net/80.../2/3222165.jpg
هاد عشا أصلي مع خريفة أصلية
انتظرونا بخريفة جديدة قد تكون أحداثها جديدة
ووجبة جديدة ههه

[أرب جمـال]

ههههههههههههههه
وين الخبز وكاسة الشاي
جمعيلنا خراريف وتعالي بسرعة بصيرة
يا بنسهر يا بنام ههههههه

[الامير الشهابي]

مسكين بالخير
ويامحلاالسهر على ضي القمر
تسلموا وصلني كاس نسكافيه هلأ
على كل أنتو معزومين على كيككه سوبر
في 21/12 بمناسبة خاصه وعزيزه على قلبي
تكرموا ..تذكروا وماتنسوا

[وفاء بنت غزة]

مساء الخير للمتواجدين
من يد ما نعدمها ارب يسلمو على الزاكي هادا
وكمان ع الجاعد
ههههههه
ذكرتيني ايامنا الحلوة
كنا زمان لما تشتي الدنيا
نروح عند جدتي في بيت جدي القديم المصنوع من الحجارة والطين
والتي ابت ان تغادره لا حين وفاتها
كان عندها صندوق خشب لازال في ذاكرتي
كنت كلما نظرت الية سال لعابي بوجود
ما يلي فيه
راحه حلقوم........نواعم نوع من الكعك..........مرطبان من العجوة معجونه بحوايج الاربعين والزيت كانت بتسمية مختوم
ياااااااااااااااا ما ازكاه
وكان الكانون دائما مجمر ودلة القهوة وبريق الشاي ع الطرف
كمان يلي كانت بتحبوه كتير منا بتشويله بيضه في رماد النار
وكنا بنستغل انشغالها وبنضع حبات البشار في الرماد
بس لما نروح بيكون حالنا مشحبر
ورائحتنا دخان بطعم الصنوبر حسب نوع الخشب
واااااااااااااااااه يا جدتي
وابرق الشاي صار جاهز

[بصيرة الأعمى]

سبقني الوقت حتى مع وجود القهوة
وأخذتني غفوة جفوني الى حيث لا أدري
http://www.tarteebi.com/site1/contes...134216_600.jpg
فصباح قهوة قد تسرق لي الوقت هذه المرة

[shreeata]

مسائكم سكر انا معاكم اليوم هون ايضا
مع اجمل رائعة للقهوة
سارسم لكم اجمل الالحان لوحة
حب وصدق انتماء لكم