( تكفا ,, لاتغيب )

[أرب جمـال]

[frame="3 98"]

( تكفا ,, لاتغيب )

أقول وابدا القول بسم اللي علـى خلقـه رقيـب

ولا خيـر فـي قـولا مايبـدا قايلـه بالبسملـه

واسالـه التوفيـق سبحانـه ولاغيـره مجيـب

الواحـد اللـي مطلـع بالكـون هـذا باكمـلـه

من بعدها ناديت يابيـت الشعـر خلـك قريـب

اليـوم يومـك والركايـب بالحمـول محمـلـه

ومثلك اذا كسب الجميله كسبهـا ماهـو غريـب

انا اشهـد انـك كـل ماتبـدي تجيـب مجملـه

تارد مثـل ورد الضوامـي يـوم تـارد للقليـب

ولا غصت في بحر الشعر تجلب من العمق اجمله

واللي تعامل بالادب من دون شك انسـان اديـب

ولايمكن يحوز المراجـل غيـر راعـي مرجلـه

ويالله بحـظ يقـوم لانامـو ردييـن النصـيـب

حظـا يطلعنـا الـعـلا مايـردنـا للمسفـلـه

واقول مفروجه وانا مادري زمانـي وش يجيـب

والوقـت سلـم يطلعـه واحـد والاخـر ينزلـه

ويانجم ياللـي تقـدي الساريـن تكفـا لاتغيـب

أن غاب نورك يبلش السـاري بحملـه واجملـه

لاغاب نورك كود باقي روس ماشابـت تشيـب

حتى الرضيع الشيب في راسه وهو في محملـه

يقولها اللي مـن عذابـه ون ونـات الصويـب

جرحه بليـغ ورافضـا يبـرى ورافـض يقتلـه

وقال الطبيب اما يطيـب الجـرح وإلا مايطيـب

وأنا أدري أنـه ياكـذا يامـا كـذا قبـل اسألـه

بعض الجروح يطيب لكن بعضها جرحا عطيـب

الله يعيـن اللـي جروحـه فالحشـا مستفحلـه

وش حيلة اللي فارض قفراء حافته عشرين ذيب

مافيهـن اللـي لوطلـب مهلـه دقائـق يمهلـه

والوقت قاسي والليالي بين خبـث وبيـن طيـب

والله الى انه راد يجزاء الشخص من جنس اعمله

والعلم تـم وجـاك كـل العلـم وافهـم يالبيـب

ولايهمني من يفهم الموضـوع واللـي يجهلـه

[/frame]

[صائد الأفكار]

مشكورين على القصيدة

[الغراب الأسود]

مشكورة على القصيدة المميزة بكلماتها ومعانيها
تحياتي

[ابو فداء]

سلمتي بروعة الأدراج
مشكوووره

[أرب جمـال]

شكرا لمروركم
سعدت بردودكم
تقديري وجزيل الشكر والمودة لكم جميعا

[الحسـام]

لاغاب نورك كود باقي روس ماشابـت تشيـب

حتى الرضيع الشيب في راسه وهو في محملـه

الله على هذا الابداع
من أجمل ما قرآأت عزيزتي أرب
تحياتي لذوقك الرائع

[أبو جمال]

مشكورة مع أني أقول وين ما شفت هالقصيده
عرفت هذه في فترة اجازتي الطويله من المنتدى
أنت قمة الروعة

[أرب جمـال]

الحسا وأبو جمال
شكرا لتواجدكم وردوكم اعزائي
تقديري لكم وتحيتي

[همسه]

شكرا لاختيارك القصيدة مع التحية

[فتـــ؛؛ــ الخيرـــ؛؛ــوش]

بعض الجروح يطيب لكن بعضها جرحا عطيـب الله يعيـن اللـي جروحـه فالحشـا مستفحلـه
وش حيلة اللي فارض قفراء حافته عشرين ذيب مافيهـن اللـي لوطلـب مهلـه دقائـق يمهلـه


ايه والله وشحيلته هههههههه
رووووووووووووووعه القصيده استاذه
طرح ولا اروع لاعدمنا حضورك خيتي