للشاعر الراحل عبد الحسين الحلفي

[عقيل كريم الشويلي]

الاخوة الاعزاء أعضاء المنتدى .....
لقد أنتقل الى رحمة الله تعالى الشاعر الشعبي الكبير ...(عبد الحسين الحلفي )
يوم الجمعة 4-2-2011وحبا منا وتقديرا لهذا الشاعر العراقي
نشرت قصيدة الشاعر المرحوم .....

يعجبني الجرح لو لاكه شمات
يضم روحه بحيث ايبين التم
وتعجبني السيوف بجف الاسباع
يحمرهه الخجل لو ما لكت دم
اذا انته ما شفت لا اتكول ما اشوف
تحجي العين اذا لسانك تلعثم
شوف الفلح من تموت الورود
بغير ورودهي تروح تشتم
بس شوف الورد لو مات فلاح
من تشمه تلكه بعطر مأتم
شوف اصعب وجه تقراه العيون
لكن بالكلب الله اعلم
كلبي اكزاز بس تسحكه خسران
اذا هو انكسر انته التصب دم
الحسب عقله يحب صدكني يرتاح
الحسب كلبه يحب صدكني يندم
كتلك انا احب ادم ابو الكل
بس ما احب ابو التفاحه ادم
حسب عقلك يصاحب شوف كلشي
واضربلك مثل عن كلشي واشلون
اكو يحجون من الصبح لليل
وحرام انجان تفهم شنهي يحجون
اكو ساكت وحلكه مخيط اخياط
وحجيه اشكد حلو بنضرات العيون
من ابزك بالحجي لا تزعل ارجوك
اسمعني وكول شكرا
الابرة من تبز الثوب يا صاح
قصدها تخيط ابشك اليشكون
وداع الي تكرهه يريح البال
اوداع الي تحبهم يعمي العيون
الماي اشكد حلو بحلك العطاشه
بس شلون نقمه اعله اليغركون
تطلع الروح اكو شغلات مرات
بس مرات هي التردلك الروح
اذيه الباب من ينفتح للريح
بس اشلون لو بالسجن مفتوح
ابنادم يضرب اللوح ابسامير
لكن من يموت اشابكه اللوح
اكو من الفرح يبجي حيل مرتاح
واكو شابع ضحك بس هو مذبوح
اكو ايده طويله كلشي ما لاح
وابو الفضل بلا جف وكلشي ايلوح
اكوكلشي ما يملك عاش مرتاح
واكو يملك الدنيا وعاش مسكين
اكو يعوفك اسنين وجنها ساعات
واكو يعوفك دقايق جنها اسنين
واكوما يباوسونك بس يحبوك
واكو رب المباوس بس شياطين
اكو بالكبر بس مو موته عاشو
واكو مو بالكبر بس همه ميتين
اكو جفه انكطع بس موش عباس
واكو يذبحه الشمر بس موش الحسين

للشاعر المبدع الراحل
عــــبـــد الحــــســيــن الحـلــفـــــي

[أرب جمـال]

الابرة من تبز الثوب يا صاح
قصدها تخيط ابشك اليشكون
وداع الي تكرهه يريح البال
اوداع الي تحبهم يعمي العيون
الماي اشكد حلو بحلك العطاشه
بس شلون نقمه اعله اليغركون

شكرا على هذه الكلمات التي تقطر حِكَما ..

تقديري لك اخي عقيل

[عقيل كريم الشويلي]

[quote=أرب جمـال;109685]الابرة من تبز الثوب يا صاح
قصدها تخيط ابشك اليشكون
وداع الي تكرهه يريح البال
اوداع الي تحبهم يعمي العيون
الماي اشكد حلو بحلك العطاشه
بس شلون نقمه اعله اليغركون

شكرا على هذه الكلمات التي تقطر حِكَما ..

تقديري لك اخي عقيل

الأخت الكريمه أرب جمال
كم هو ارائع مروركِ الدائم
عسى ماننحرم من هذا التواجد
لكِ خالص تحياتي وتقديري

[shreeata]

يعجبني الجرح لو لاكه شمات
يضم روحه بحيث ايبين التم
وتعجبني السيوف بجف الاسباع
يحمرهه الخجل لو ما لكت دم


رحم الله الشاعر واسكنه فسيح جناته
جميل ما قرات له
تحيات لك

[عقيل كريم الشويلي]

[QUOTE=shreeata;110174]يعجبني الجرح لو لاكه شمات
يضم روحه بحيث ايبين التم
وتعجبني السيوف بجف الاسباع
يحمرهه الخجل لو ما لكت دم


رحم الله الشاعر واسكنه فسيح جناته
جميل ما قرات له
تحيات لك

الأخ الرائع شريف
أشكر مرورك أخي
لك خالص تحياتي
ولاتحرمنا من هذا
التواصل تقديري لك

[حنان عرفه]

كلبي اكزاز بس تسحكه خسران
اذا هو انكسر انته التصب دم
الحسب عقله يحب صدكني يرتاح
الحسب كلبه يحب صدكني يندم

شكرا لك نقلك المميز وليرحم الله شاعرنا