شيجيبك يبختي وتكعد وياي

[لؤلؤة ثمينة]

شيجيبك يبختي وتكعد وياي
واشيلنك نبع واحرثلك هموم
وتواعدني العصر وتكلي جييتك
واشم تراب بختي بذيج الهدوم
يا بختي العمر ضاع ويا الاحلام
تمنيتك تجي وعيني اعلى النجوم
اي ليش الحزن بس هو الرفيج
صبح ثوب الحزن وي جسمي مرسوم
كتلي اليوم اجي يابختي وينك
فات اسنين وانا انتضر هاليوم
جانت شمسي نور ويسطع ضواي
اي وين الشمس شو غطتهه الغيوم
كل ضيم اللفاني وانا اكول اصبر
وحته الصبر صاح اصبر يمضيوم
كاعدلي الحزن جن هو الاحزام
يشد ضهري الحزن لو هبٌة سموم
سمومك يالوكت جن سيف جتال
تدج بهالجرح مو توه ملحوم
لحمت اجروحي بابره وحنضل خيوط
وانته اصل الجرح يزماني ملجوم
خل انزع قميصي وشوف هالطعنات
مو انته حكمت كتلي انته معدوم
حتى اعدامي دج بالضهر غدرات
وكل دجة التدجني تكلي كافي وكوم

[أرب جمـال]

البخت الشيء الوحيد اللي ننتظره وايدنا على قلبنا ان اجا يكون غير ما نحتسبه
تسلم الايادي لؤلؤتنا الرقيقة

[لؤلؤة ثمينة]

سلمت روحك النقية غاليتي لروعة المرور
والمتابعة تقديري لك

[روح.,]

الله ما اروع ما اخترت لنا
الصمت ابلغ من كل الحروف التي سارد بها
رائعة لؤلؤة

[لؤلؤة ثمينة]

تسلمين لروعه المرور والتواصل
تقديري لك