شوفتوا المصري؟

[آلاء إبراهيم الشرقاوي]

شــــــــــوفتوا المصري ?you saw egyptian
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كنت بحس بإني عقيم ..بس عقيم من قولة الحق
كنت اتمني ابقي عظيم
وافضل اقول للظالم لأ
مصر حبيبتي يابلدي ياحرة .نفسي أقاوم حبك مرة
بس قاومنا..وراح الظلم بقومة الثورة
كانوا اتنين قاعدين في ميدان
بقوا ملايين وظهر بركان
بعد ماكان خامل مليان
كله هموم وسنين حرمان
كانوا فاكرينه هيقبل وضعه
او يفضل ساكت وجبان
لكن بقي دلوقتي خلاص
عاوز حقه بكل حماس
طهر أرضه بكل أمان
علشانها اتمرمط واتهان
عاش ايام م الحق جعان
كان بيدوق الظلم عشانها
طهر كل ظالم بيخونها
مارضاش بلده ف يوم تتخان
شوفتوا المصري..
خلي عزيمته تهد الدنيا
كانت اقوي من البركان
مسلم ف الثورة وبيصلي
ومسيحي وواقف يحميه
وماصدقش ف يوم الفتنة
كان خايف ف الثورة عليه
شوفتوا المصري..
بكل عزيمته
خلي بلاده اقوي الاوطان
مهما اختلفت ف الاديان
شال منها الظلم وقواها
اصله بكل العزم حماها
بعد ماكان الجيش بيهاجمه
بقوا ايد واحدة بكل سلام
شوفتوا المصري...
طيب اصله
لكن طيبته ماجاتش كلام
كان ثاير طول عمره بعزمه
ماسمعش ف يوم للأوهام
شوفتوا المصري الحر الثاير
هو شرف أمتنا بحالها
أقوي بعزمه من البركان
ربي يخلي شعوبنا قوية
ويخلي الوحدة اساس ليها
بالوحدة دي هنهد الدنيا
وبوحدتنا دي هنقويها
ولو البركان نفسه هاجمنا
هنقفله ونزيله كمان
....................تأليـف :آلاء إبراهيم الشرقاوي.........30/2/2011

[شوقى غنيم]

شوفتوا المصري..
خلي عزيمته تهد الدنيا
كانت اقوي من البركان
مسلم ف الثورة وبيصلي
ومسيحي وواقف يحميه
وماصدقش ف يوم الفتنة
كان خايف ف الثورة عليه

***********
كلمات رائعه تعبر عن قوة المصري
عن الوحده
عن المحبه والاخلاص
لوطنه
وعدم التفرقه
جزاكي الله كل خير

[شيماء يوسف]

كلماتك جميلة ورائعة

وقلمك سلسل ومتميز

دمت مبدعة

[ابو فداء]

وستبقى مصر أم الدنيااااااااااا
وسيبقى الجيش المصري حامي الحمااااااااااااا
كلمات راقيه

[زوج السيدة المدير]

الله يصلح احوال مصر
الشعب المصري عظيم والله يبعد عنه الخونة والخاينين
شكرا على جمال الوصف
تحياتي لك

[آلاء إبراهيم الشرقاوي]

أشكرك ياوالدي العزيز

[آلاء إبراهيم الشرقاوي]

شيماء يوسف
الاجمل وجودك يااختي

[آلاء إبراهيم الشرقاوي]

ابو فداء
طبعا مادام كل العرب يتمنون لها ذلك
اشكرك

[آلاء إبراهيم الشرقاوي]

زوج السيدة المدير
يااااااااااااارب اللهم امين