ما نسيتك

**بلا عنوان** · 29 - 7 - 2015, 12:35 AM

ما نسيتك

ما نسيتك .. وحدك انته اللي نسيت ..... انت من غيّرتْ وجهة رحْلِتِك
انت من عاندت واخلَفْت وعصيت ...... وانت من قررْت تطفي شعْلِتِك
انت من قاطَعْت كلماتي ومشيت ....... بعد ما كمّلت باقي جملتك
رحْت ولا فكّرت ولا كنّك رأيت ...... دمعةٍ نادَتْك وانت بغفلتك
جيتني من بَعد ما سِرْت وسهيت ...... درْت كل الكون وبآخر جولتك
جيت انا ع البال مرّيت وسريت ...... قلت ادق الباب تعرِض طلتك
ومِنْتِظِر آخذك بالحضن وسليت ..... إنه فات الوقت وفاتَتْ مهْلتِك
وان انا هاليوم حبيت وعطيت ..... حب نسّاني مآسي علتك
لا تعاتب ..انتْ من راح ونسيت ..... لا تحمّلني عواقب زلّتك
مهما لو سوّيت لو صِحْت وبكيت ... مستحيل آكون تحت مظلتك

الشاعرة الاماراتيه مريم راشد